Belarýstiń Mınsk qalasynda frıstaıl-akrobatıkadan álem kýbogynyń kezeńi bolyp ótti. О́kinishke qaraı, qazaqstandyq sportshylar júlde ala almady, dep habarlaıdy Egemen.kz Olympic.kz saıtyna silteme jasap.
Áıelder arasynda ótken jarysta Marjan Aqjigit 18-shi, Aıana Joldas – 19-shy, Janbota Aldabergenova – 21-shi, al Aqmarjan Qalmyrzaeva – 24-shi boldy. Jarysta AQSh sportshysy Megan Nık jeńiske jetken.
Erler arasyndaǵy jarysta reseılik sportshy Maksım Býrovqa teń keletin eshkim bolǵan joq. Qazaqstan quramasynyń quramynda bárinen úzdik tanylǵan – Nurlan Batyrbaev. Ol 19-shy orynnan kórindi. Sherzod Hashırbaev 30-shy oryn, Ildar Batrýdınov - 32-shi, Roman Ivanov - 33-shi oryn aldy.
Buǵan deıin habarlanǵandaı, Qazaqstan frıstaıldan álem chempıonatyna alǵash ret qatysady. Quramyna mogýl jáne akrobatıka kiretin frıstaıldan álem chempıonaty alǵash ret 7-14 naýryz kúnderi aralyǵynda Almatynyń Shymbulaǵynda ótedi.