Adamzattyń dushpany arsyz ajal taǵy bir asylymyzdy aramyzdan alyp ketti. Nur-Sultan qalasynan túnqatyp jetken qaıǵyly habar Ánes Saraevtyń ómirden ozǵanyn jetkizgende dene muzdap, júrek syzdap sala berdi.
Jatatyn dáıim jańǵyryp,
Bul ǵumyr emes máńgilik.
Bıopa myna zamanda,
Baqul bop keter adam da, -
degen ál-Farabı sózin qaıǵyly qara kóńilge sál-pál demeý etsem de jubana alar emespin. Jas kelip, aýrý-syrqaý kóbeıgen tusta qataryń sırep, qalamdas-taǵdyrlas, muńdas, syrlas dostan aırylý netken qıyn, qandaı aýyr!
Ánes dos artyna mol mura qaldyrdy. О́zgesin aıtpaǵannyń ózinde 1992 jyly Memlekettik syılyq alǵan «Edil-Jaıyq» romany men noǵaılylar jaıly zerdeli zertteýi onyń esimin ádebıet tarıhyna altyn árippen jazary anyq.
Ánes Saraev azamat edi aıaýly. Ánes dostyń ómirlik serigi Altynshash qaryndasyma, barlyq etjaqyndaryna qaıǵylaryna ortaqtasyp kóńil aıtamyn.
Qosh, óldi deýge syımaıtyn, qoshtasýǵa qımaıtyn qaıran dos. Janyń jánnatta bolsyn.
Sábıt DOSANOV,
jazýshy, Memlekettik syılyqtyń laýreaty
Almaty
2.02.2021