Halyqaralyq Olımpıada komıteti (HOK), Halyqaralyq paralımpıada komıteti jáne «Tokıo-2020» uıymdastyrý komıteti Japonııadaǵy jazǵy oıyndardyń alǵashqy erejelerin jarııalady. Bul týraly HOK saıtynda habarlanǵan dep jazady Egemen.kz Olympic.kz saıtyna silteme jasap.
Oıynǵa qatysatyn sportshylar ózderiniń jaı-kúıleri týraly esep beretin arnaıy qosymshany paıdalanýǵa mindetteledi. Sondaı-aq, olar aınaladaǵy adamdarmen fızıkalyq baılanysty bolýdan barynsha qashýy tıis, onyń ishinde qol alysý da bar.
Qatysýshylar ózara eki metrlik ara qashyqtyqty saqtaýy kerek. Atletterdiń jarys kezinde kórermender qataryna otyrýyna tyıym salynady, sonymen qatar, jankúıerlerdiń aıǵaılap, ysqyratyn zattardy paıdalanýyna ruqsat joq. Sportshylardy tek qol shapalaqtaý arqyly ǵana qoldaýǵa bolady.
Tokıoǵa jol tartardan 72 saǵat búryn sportshylar koronvırýsqa test tapsyryp, teris nátıje kórsetilgenin rastaıdy. Jarysqa ushyp kelerden eki apta buryn sportshylar ishki qarym-qatynasty azaıtýy tıis. Sportshylarǵa koronavırýsqa qarsy vaksına kúshtep salynbaıdy, biraq atalǵan ereje barlyǵyna ortaq ekenin eskerý qajet.
Atalǵan talaptar buzylǵan jaǵdaıda, sportshy jarystan shettetilýi múmkin.
Eske sala keteıik, 2020 jylǵy Tokıo Olımpıadasy koronavırýs ınfeksııasynyn taralýyna baılanysty 2021 jyldyń 23 shildesi men 8 tamyzy aralyǵyna aýystyryldy.