«Shyǵys - Adaldyq alańy» jobalyq keńsesi Shyǵys Qazaqstan oblysy aýmaǵyndaǵy aýrýhanalar men emhanalarda dári-dármekterdiń jetkilikti bolýyn anyqtaý úshin monıtorıngtik toptyń jumysyn kúsheıtti, dep habarlaıdy Egemen.kz.
Osy oraıda «Shyǵys – Adaldyq alańy» jobalyq keńsesiniń jetekshisi «Nur Otan» partııasy janyndaǵy sybaılas jemqorlyqqa qarsy qoǵamdyq keńespen birlesip О́skemen qalasynda ornalasqan Ana men bala ortalyǵynda koronavırýsty emdeý úshin qoldanylatyn dári qorynyń jetkilikti bolýyn qadaǵalaý maqsatynda monıtorıng júrgizdi.
Sondaı-aq turǵyndardan jeli arqyly kelip túsken ótinish negizinde Ana men bala ortalyǵynyń perzenthanasynda júkti áıelderge qyzmet kórsetý bóliminiń jumys sapasyna qoǵamdyq baqylaý júrgizilip, jobalyq keńse jetekshisi jas analarmen kezdesý barysynda, olardyń qal-jaǵdaılaryn bildi.