Shoqan Ýálıhanov atyndaǵy tarıh jáne etnologııa ınstıtýty daıarlaǵan qos kitaptyń tusaýkeseri ótti. Onyń biri – Elbasynyń «Uly dalanyń jeti qyry» atty baǵdarlamalyq maqalasyn júzege asyrý maqsatynda jaryq kórgen «Uly dalanyń uly esimderi» atty jınaq bolsa, ekinshisi – «Qojabergen batyr» atty zertteý.
Almaty qalasyndaǵy №4 kitaphanada ótken jıynǵa eki ǵylymı kitaptyń avtorlary men ǵalymdar, zııaly qaýym ókilderi qatysty. Aıta keteıik, «Uly dalanyń uly esimderi» atty jınaqqa Ejelgi dáýir jáne túrki qaǵanattary (VIII-XII ǵǵ), Altyn Orda kezeńi (XIII-XV ǵǵ), Qazaq handyǵy dáýiri (XVIII ǵ.) birinshi jartysy (1917 j.), keńestik Qazaqstan jáne Táýelsizdik kezeńiniń uly esimderi enip otyr.
Al «Qojabergen batyr» kitabyn ǵalymdar Saıyn Borbasov, Ahmet Toqtabaı jáne jazýshy Jádı Shákenuly birlese daıyndaǵan. Eńbek XVIII ǵasyrda ómir súrgen Abylaı hannyń batyrlarynyń biri ári qazaq-qytaı qatynasynda eleýli ról atqarǵan Qojabergen Jánibekulynyń ómirine arnalady. Kitapty shyǵarýǵa «Qojabergen batyr» qoǵamdyq qorynyń prezıdenti Mereı Slámuly demeýshilik jasaǵan.