Bas memlekettik sanıtarlyq dárigeri Erlan Qııasovtyń jańa qaýlysyna sáıkes, mektepterdegi ashanalardyń jumysyna ruqsat berildi, dep habarlaıdy Egemen.kz
Naqtyraq aıtqanda, «Karantındik shekteý sharalary jáne olardy kezeń-kezeńmen jeńildetý týraly» Qazaqstan Respýblıkasynyń Bas memlekettik sanıtarlyq dárigeriniń 2020 jylǵy 25 jeltoqsandaǵy № 68 qaýlysyna birqatar ózgeris pen tolyqtyrý engizilip otyr.
«№67 QR BMSD qaýlysyna 46-qosymshanyń talaptary saqtalǵan kezde bilim berý uıymdaryndaǵy qoǵamdyq tamaqtaný obektileriniń qyzmetine ruqsat etilsin», delingen qaýlyda.
Osy qaýlynyń oryndalýyn QR Bas memlekettik sanıtarlyq dárigeri ózi baqylamaq.
Qaýlynyń tolyq mátinin myna siltemeden oqýǵa bolady.
Eske sala ketsek, buǵan deıin 13 qańtarda Bas memlekettik sanıtarııa dárigeri mektep ashanalaryn ashý máselesi qarastyrylyp jatqanyn aıtqan edi.
«Epıdemııalyq jaǵdaıy qolaıly aımaqtaǵy keıbir óńirlerde mektep ashanalaryn ashý jóninde usynystar kelip jatyr», dedi ol.