Túrkistan qalasynda bıyl birneshe jańa saıabaq paıdalanýǵa beriledi. Olardyń qatarynda B.Sattarhanov dańǵylyndaǵy «Jelilik saıabaq» pen «Ortalyq saıabaq» bar. Sonymen qatar qaladaǵy Iаssaýı kóshesiniń boıy da tolyq kógaldandyryp, jelilik saıabaqqa aınalmaq. «Áziret Sultan qoryq murajaıynyń aýmaǵyn abattandyrý da aıaqtalýǵa jaqyn. Shahardaǵy qurylys alańdaryn aralaǵan oblys ákimi О́mirzaq Shókeev jaýapty sala basshylaryna birqatar tapsyrmalar berdi. Qurylysty shıratýdy tapsyrdy, dep habarlaıdy Egemen.kz oblys ákiminiń baspasóz qyzmetine silteme jasap.
Túrkistan qalasynda 30-ǵa jýyq nysannyń aýmaǵynda abattandyrý jumystary júrgizilip, halyq ıgiligine berilgen. Kópqabatty úıler aldyna balalar oıyn alańshalary salynyp, abattandyrylýda. Aýlalar men gúlzarlar jáne oıyn alańdary salynyp, 15 nysanǵa 300-den astam adam jumysqa tartyldy. Buǵan qosa, 26 kóshege kógaldandyrý jumystary júrgizilip, 8 myńǵa jýyq túp aǵash otyrǵyzyldy. Sondaı-aq, ashyq alańdardy kógaldandyrý boıynsha 100 gektarǵa jýyq «Jasyl beldeý» kógaldandyrý aımaǵyna 40 myń kóshet egildi. «Halyqtyq joba» negizinde belgilengen nysandar jáne qoǵamdyq oryndar kógaldandyrylyp, port alańdary, sýburqaqtar, shatyrlar, oryndyqtar, jaryqsham men qoqys jáshikteri ornatylýda. Atalmysh jumystarǵa tek jergilikti turǵyndar jumyspen qamtyldy.
Shyǵys úlgisinde salynyp jatqan «Keruen Sarai» turǵyn úı kesheninde bolǵan oblys ákimi qurylys barysymen tanysty. Iаsaýı kesenesiniń janynan boı kótergen keshen toǵyz eki jáne úsh qabatty bloktardan turady. Rýhanı-mádenı ortalyqta ornalasqan «Keruen Sarai» turǵyn úı kesheninde jalpy aýmaǵy 8 myń sharshy metrden asatyn 125 baspana boı kóteredi. Onyń ishinde eki qabatty taýnhaýstar, 1, 2 jáne 3 bólmeli páterler bar. Búginnen bastap munda baspana satyp alýshylar úshin ashylǵan keńse óz jumysyn bastady.
О́mirzaq Estaıuly jalpy aýmaǵy 38 gektardy quraıtyn «Tuńǵysh Prezıdent saıabaǵy» demalys aımaǵynda atqarylyp jatqan jumystardy baqylap kórdi. Túrkistan qalalyq sazdy-drama teatry jáne kómekshi mektep-ınternaty jataqhanasynda júrip jatqan jumystarmen tanysty. Oblystyq ǵylymı - ámbebap kitaphananyń qurylys alańynda bolǵan óńir basshysy ǵımarattyń ishki qurylysyna birqatar ózgerister engizip, keı bólmelerin keńeıtip, qabyrǵalaryn áınekten ornatýdy tapsyrdy.