Brazılııalyq saıahatshylardan anyqtalǵan koronavırýstyń jańa shtammy Perýdiń úsh aımaǵyna taralyp ketti, dep habarlaıdy Egemen.kz
Buǵan deıin elde brıtandyq koronavırýstyń shtammy tabylǵan edi.
Eldiń densaýlyq saqtaý mınıstri Pılar Massettıdiń aıtýynsha, Perýdegi COVID-19-dyń ekinshi tolqyny birinshige qaraǵanda basymdyraq bolyp otyr.
«Tórt aptanyń ishinde vırýs juqtyrǵandar sany pandemııanyń alǵashqy eki aıyndaǵy sanyna teń», dedi mınıstr.
Japon ulttyq juqpaly aýrýlar ınstıtýtynyń mamandary osyǵan deıin elge Brazılııadan kelgen tórt adamda brıtandyq nemese afrıkalyq koronavırýstyń jańa mýtasııasyn anyqtaǵanyn habarlaǵan bolatyn. Sonymen qatar olar qazirgi ýaqytta ınfeksııanyń «patogendik jáne juqpalylyq deńgeıin, testileý ádisteriniń nemese vaksınalardyń tıimdiligin» baǵalaý qıyn ekenin atap ótti.
Aıtolqyn MYRZAKARIM