AQSh-tyń Florıda shtatyndaǵy Plant-Sıtı qalasynyń polısııasy koronavırýstyq vaksınalary bar kólikti urlap ketken er adamdy izdep jatyr, dep habarlaıdy Egemen.kz
Jergilikti polısııa departamentiniń Facebook-tegi habarlamasyna sáıkes, qoldy bolǵan avtokólik – sur tústi Hyundai Accent. Oǵan qosa málimdemede kúdikti beınelengen vıdeo jarııalandy. Kólik 2021 jyldyń 3 aqpanynda saǵat 15:00-de urlandy. Onyń ishinde COVID - 19 vaksınalary bar ampýlalar bolǵan.
Quqyq qorǵaý organdary qala turǵyndarynan er adamdy izdeýge kómektesýin suraıdy.
Aıta ketsek, AQSh halyqty jappaı vaksınasııalaýdy bastady. Djo Baıden ákimshiligi alǵashqy 100 kúnde, ıaǵnı sáýir aıynyń sońyna deıin 100 mıllıon dozada vaksınasııany qamtamasyz etýge nıetti.
Aıtolqyn MYRZAKARIM