20121 jyldyń 4 aqpanynda beınekonferensbaılanys rejıminde Respýblıkalyq bıýdjettiń atqarylýyn baqylaý jónindegi esep komıtetiniń keńeıtilgen otyrysy ótti, onda onyń 2020 jylǵy qyzmetiniń qorytyndylary shyǵarylyp, 2021 jylǵa arnalǵan mindetteri aıqyndaldy, dep habarlaıdy Egemen.kz.
Is-sharaǵa Prezıdent Ákimshiligi Basshysynyń orynbasary T.M. Súleımenov, Parlament Májilisi Tóraǵasynyń orynbasary P.O. Kazansev, Parlament Májilisiniń beıindi komıtetiniń tóraǵasy, Qarjy mınıstrliginiń, strategııalyq josparlaý jáne reformalar, qarjylyq monıtorıng agenttikteriniń basshylary, óńirlik tekserý komıssııalarynyń tóraǵalary qatysty.
Esep komıtetiniń Tóraıymy Natalıa Godýnova óz sózinde Esep komıtetiniń aýdıtorlyq jáne saraptamalyq-taldaý qyzmeti esepti kezeńde Memleket basshysynyń tapsyrmalaryn oryndaýǵa shoǵyrlanǵanyn atap ótti. SOVID-19 pandemııasy jaǵdaıynda ekonomıkany qoldaýǵa baǵyttalǵan daǵdarysqa qarsy qarajat, sondaı-aq kvazımemlekettik sektor aktıvteriniń basqarylý tıimdiligi turaqty jáne jiti baqylaýǵa alynyp, monıtorıng jasalyp otyrdy.
Tótenshe jaǵdaı rejımi men qatań karantındik shekteýlerge qaramastan, Esep komıteti 117 obektide 18 aýdıtorlyq is-shara ótkizdi. Aýdıtpen 47 trıllıonnan astam teńge qamtyldy, bul 2019 jylǵa qaraǵanda 38%-ke artyq jáne 2018 jyldyń uqsas kórsetkishinen 9 ese joǵary.
Natalıa Godýnova anyqtalǵan buzýshylyqtardyń edáýir somasy 1,8 trln. teńge - bıýdjet qarajaty men memleket aktıvterin tıimsiz josparlaýǵa jáne paıdalanýǵa tıesili ekenine nazar aýdardy. Al qarjylyq buzýshylyqtardyń kólemi qysqarýda, 2020 jyldyń qorytyndysy boıynsha - 81 mlrd.teńge.
Esepti kezeńde is júzinde shamamen 16 mlrd. teńge qalpyna keltirildi (óteldi). Úkimetke, memlekettik organdarǵa, kvazımemlekettik sektor sýbektilerine 364 usynym men tapsyrma joldandy. Olardyń 88%-i oryndaldy, qalǵandary boıynsha iske asyrý merzimderi áli kelgen joq.
Júrgizilgen aýdıt qorytyndysy boıynsha 97 laýazymdy adam tártiptik jaýaptylyqqa, 44 laýazymdy (jeke) tulǵa jáne 11 zańdy tulǵa ákimshilik jaýaptylyqqa tartyldy, 31 materıal qylmystyq-jazalaý áreketi belgilerimen quqyq qorǵaý organdaryna joldandy.
Otyrysta sondaı-aq Soltústik Qazaqstan jáne Mańǵystaý oblystary boıynsha tekserý komıssııalary tóraǵalarynyń 2020 jylǵy esepteri tyńdaldy.
Jalpy, otyrysta Esep komıteti men tekserý komıssııalarynyń aýdıtorlyq qyzmetiniń túıindi kórsetkishteriniń oń ósý úrdisi atap ótildi. Atalǵan tekserý komıssııalarynyń tóraǵalary memlekettik aýdıt organy retinde olardyń rólin kúsheıtý, sondaı-aq kadr áleýetin nyǵaıtý, jergilikti bılik organdaryna degen táýelsizdik qaǵıdatyn (qarjylyq, uıymdastyrý jáne t.b.) saqtaý boıynsha shara qabyldaý jóninde usynystar aıtty.
2021 jylǵa arnalǵan basym mindetterdi talqylaý barysynda Esep komıteti keńeıtilgen otyrysqa qatysýshylardy 2021-2025 jyldarǵa arnalǵan damý strategııasynyń jobasymen tanystyrdy. Qujat INTOSAI IDI (SAI PMF) jobasy sheńberinde halyqaralyq sarapshylarmen birlesip ázirlendi. Damý strategııasy aldyńǵy qatarly sheteldik joǵary aýdıt organdarynyń úzdik praktıkalaryna negizdelgen.
Jobada Esep komıteti taıaýdaǵy bes jylǵa negiz qalaýshy qundylyqtar retinde óz qyzmetiniń táýelsizdigin, eseptiligi men transparenttiligin qamtamasyz etýdi aıqyndaǵany atap ótildi.
Sonymen qatar, Qazaqstannyń joǵary aýdıt organy qoǵamǵa, Memleket basshysyna jáne Parlamentke esep beretin ulttyq resýrstardy basqarýdaǵy anaǵurlym tıimdi menedjer retinde el Úkimetiniń qalyptasýyna járdemdesetin bolady.
Qazaqstannyń Joǵary aýdıt organynyń aldynda turǵan 2021 jylǵa arnalǵan negizgi mindetteriniń biri – Memleket basshysynyń elimizdiń tabysty damýynda áleýmettik-ekonomıkalyq mańyzy bar aýdıtorlyq jáne saraptamalyq-taldaý is-sharalarynyń keshenin júrgizý jónindegi tapsyrmalaryn odan ári oryndaý.
Is-shara qorytyndysy boıynsha Esep komıtetiniń apparatyna tıisti tapsyrmalar jáne óńirlik tekserý komıssııalaryna usynymdar berildi.