Gazetimizdiń Almatydaǵy bólimshesine elimizge belgili azamat, ońtústik astanadaǵy «Shıpadent» stomatologııalyq emhanasynyń basshysy Músilim Daıyrbekov habarlasyp, jaǵymdy jańalyq jetkizdi. Músekeń ózi basqaratyn mekeme ujymynyń túgeldeı «Egemen Qazaqstan» gazetine jazylýyn qamtamasyz etipti. Sóıtip, emhananyń 20 qyzmetkeri aldaǵy jyly Otanymyzdyń bas gazetin óz úılerine aldyryp oqıtyn bolǵan. Gazettiń bir danasy mekeme atyna jazylypty. Osylaısha, shıpadenttikter 21 dana «Egemenge» jazylǵan.
Gazetimizdiń Almatydaǵy bólimshesine elimizge belgili azamat, ońtústik astanadaǵy «Shıpadent» stomatologııalyq emhanasynyń basshysy Músilim Daıyrbekov habarlasyp, jaǵymdy jańalyq jetkizdi. Músekeń ózi basqaratyn mekeme ujymynyń túgeldeı «Egemen Qazaqstan» gazetine jazylýyn qamtamasyz etipti. Sóıtip, emhananyń 20 qyzmetkeri aldaǵy jyly Otanymyzdyń bas gazetin óz úılerine aldyryp oqıtyn bolǵan. Gazettiń bir danasy mekeme atyna jazylypty. Osylaısha, shıpadenttikter 21 dana «Egemenge» jazylǵan.
Bylaı qaraǵanda, 21 dana onsha kóp te emes sııaqty. Biraq másele osynaý shaǵyn ujymnyń el gazetine degen yqylasynda bolyp otyr. «Kóp túkirse kól degendeı», osyndaı shynaıy yqylas-peıilder jınaqtala kele, tamshydan teńiz quralǵanyndaı, bas basylym taralymynyń 200 myńnan asqan asqar belesine jetkizip otyrǵan joq pa? Endeshe, shaǵyn ujym jazylǵan 21 dananyń ulaǵaty men utymdylyǵy da sonda. О́z kezeginde buǵan gazetimizdiń kópten bergi avtory ári janashyry, Qazaqstannyń eńbek sińirgen qaıratkeri, «Qurmet» ordeniniń, sondaı-aq, Reseıdiń «Dolg ı chest» ordeniniń ıegeri Músilim Daıyrbekovtiń de úgit-nasıhattyq turǵydan qoldaý jasap, úles qosqanyn ańdaǵandaımyz.
Bıylǵy jyl Músekeń úshin de jemisti aıaqtalǵaly tur. Áýeli ol Almaty qalasy boıynsha «Jyl adamy» dep tanylǵan-dy. Sonyń izinshe qaıyrymdylarǵa beriletin dástúrli «Altyn júrek» syılyǵynyń laýreaty atanǵan edi. Oǵan qosa, «Ońtústik Qazaqstan oblysynyń qurmetti azamaty» ataǵy berildi. Al Táýelsizdik kúni qarsańynda Elbasy Jarlyǵyna oraı «Parasat» ordenin alýy atpal azamattyń jyl jemisterin ádemi túıindedi. Gazetimizdiń janashyry Músilim Daıyrbekulyn osy marapatpen biz de quttyqtap, el ıgiligi jolyndaǵy izgilikti eńbeginiń jalǵasa berýine tilektestigimizdi bildiremiz.
Qorǵanbek AMANJOL,
«Egemen Qazaqstan».
Almaty.