Qazaqstan Respýblıkasynyń Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın «Digital Almaty 2021– sıfrlyq qaıta jańǵyrý: jańa jaǵdaıǵa serpilis» forýmy aıasyndaǵy «GovTech jáne úzdik servıster» plenarlyq sessııasyna qatysty, dep habarlaıdy Egemen.kz.
Vedomstvo basshysy Qazaqstan elimizdiń IT-landshaftyn qurý jónindegi platformalyq modelge ótýi kerek ekendigin atap ótti.
«Platformalyq model degenimiz - qandaı da bir bıznes-prosesti avtomattandyrý barysynda problemalarǵa tap bolmaımyz. Bul ońaı, qujattarǵa qol qoımastan jáne birneshe qyzmettermen biriktirilmesten bolýy kerek. Biz bıznes-prosesterdiń naqty arhıtektýrasy bolatyn júıe erejeleri men memlekettiń belgili bir platformasyn jasaǵymyz keledi. Avtomattandyrý qyzmeti alty aıǵa sozylmaýy úshin tek bir aıda jasalýyn qarastyrýdamyz. Sol sebepti, aǵymdaǵy kezeńde arhıtektýrany ázirlep jatyrmyz jáne naryqtan sarapshylardy tartatyn bolamyz, oǵan otandyq IT-kompanııalar qatysatyn bolady. IT-kompanııalar óz qyzmetterin osy platforma arqyly memleketke satatyn bolady», - dedi Baǵdat Mýsın.
Budan basqa, Mınıstr Qazaqstanǵa IT salasyndaǵy kadrlyq máseleni sheshý kerektigin aıtty.
«Búginde Qazaqstan IT-ónimderin eksporttaýda basqa elderden artta qalýda. Sebebi, adamı kapıtaldyń jetispeýshiligi bar. Jyl saıyn Qazaqstanda 20 000 IT-maman oqý ornynda bilimin aıaqtaıdy, biraq bul tek statıstıka ǵana. Sondyqtan IT-naryǵy úshin biz Qazaqstan Respýblıkasynyń Bilim jáne ǵylym mınıstrligimen birlesip, granttyq baǵdarlamalardy IT-mektepter jaǵyna qaraı qaıta quryp jatyrmyz», - dedi Baǵdat Mýsın. Sondaı - aq, Mınıstrlik basshysy óńirlerde IT-mektepter ashý josparlanyp otyrǵanyn aıtty.
Sonymen qatar, plenarlyq sessııaǵa HQO basqarýshysy jáne QR SJRA tóraǵasy Qaırat Kelimbetov, BI.Zone dırektory Dmıtrıı Samarsev, Kaspi.kz basshysy Mıhaıl Lomtadze, IDC vıse-prezıdenti Andreı Beklemıshev, EADB Basqarma tóraǵasynyń orynbasary Tıgran Sarkısıan, Re-State qorynyń bas dırektory Anastasııa Kalınına, DeltaWorks negizin qalaýshy Denıel Sılı jáne BUU ATMEÁK AKT jáne apattar qaýpin azaıtý departamentiniń dırektory Tıtıana Bonopache qatysty.
Esterińizge sala keteıik, Almaty qalasynda jahandyq jáne óńirlik sıfrlyq kún tártibin, syn-tegeýrinderdi, sıfrlandyrý salasyndaǵy sheshimder men saıasatty qalyptastyrý jáne talqylaý úshin negizgi alańdardyń biri – «Digital Almaty 2021» forýmy ótýde. Bıylǵy jylǵy forým birikken formatta, sondaı-aq, is-sharalardyń basym bóligi onlaın túrde ótkizilýde.