Almaty qalasynyń polıseıleri Qazaqstanda eki jyldan astam ýaqyt zańsyz júrgen Iordanııa azamatyn anyqtady, dep habarlaıdy Egemen.kz Polisia.kz saıtyna silteme jasap.
2021 jyldyń 1-5 aqpany aralyǵynda Almaty qalasynda zańsyz júrgen adamdardy anyqtaý, sondaı-aq, qaladaǵy qylmystyq ahýaldy jaqsartý maqsatynda “Kelimsek” respýblıkalyq jedel-profılaktıkalyq is-sharasy ótkizildi.
– Is-shara barysynda 344 kóshi-qon zańnamasyn buzýshy anyqtalyp, ákimshilik jaýapkershilikke tartyldy, 67 sheteldik Qazaqstan Respýblıkasynan shyǵaryldy. 165 sheteldik Qazaqstan Respýblıkasynda bolý erejelerin buzǵany úshin jaýapkershilikke tartyldy. Sheteldikterdiń Qazaqstan Respýblıkasynda bolý zańdylyǵyn qamtamasyz etý jónindegi sharalardy qabyldamaǵany úshin 164 otandasymyz jaýapkershilikke tartyldy. Qazaqstan Respýblıkasyna sheteldik jumys kúshin tartý erejelerin buzǵany úshin 15 jumys berýshi jaýapqa tartyldy. Jeke basyn kýálandyratyn qujattary joq 70 sheteldik PD qabyldaý-taratý ornyna ornalastyryldy, – dedi Almaty qalalyq PD Kóshi-qon qyzmeti basqarmasynyń bastyǵy Ashat Býtýnchınov.
Sondaı-aq, reıdtik is-sharalar sheńberinde polısııa qyzmetkerleri Qazaqstanda 2018 jyldan beri óziniń quqyqtyq mártebesin rettemeı, zańsyz júrgen 2002 jyly týǵan Iordanııa azamatyn anyqtady. Sot sheshimimen sheteldik azamat ákimshilik jaýapkershilikke tartyldy.