INNOVASIIа BILIKTILIKTI TALAP ETEDI

Almatyda Ál-Farabı atyndaǵy QazUÝ-diń О́.Joldasbekov atyn­da­ǵy stýdentter saraıynda birinshi ın­novasııalyq konvent ótkizildi. Almaty qalasyndaǵy ınnovasııa­lyq jumysty odan ári jandan­dy­rý­ǵa baǵyttalǵan forýmǵa Pre­mer-Mınıstrdiń orynbasary, Indýs­trııa jáne jańa tehnolo­gııa­lar mı­nıstri Áset Isekeshev, Al­maty qa­la­synyń ákimi Ahmetjan Esimov qa­tysyp, sóz sóıledi. Mem­leket bas­shysy qazaqstandyq­tar­ǵa arna­ǵan bıylǵy Joldaýynda “ınno­va­sııalar ǵana eńbek ónim­di­liginiń shuǵyl artýyna jetkizedi” dep atap aıtqan bolatyn. Soǵan oraı, Elba­sy tapsyrmasymen Úki­met jedel  ındýstrııalyq-ınnova­sııa­lyq da­mýdyń memlekettik baǵ­darlamasyn jáne ındýstrııalan­dy­rý kartasyn ázirlegendigi bel­gili. Innovasııalyq jobalarǵa qol­daý, bul baǵyttaǵy is-shara­lar­dy dáıektilikpen júzege asy­rý baǵytynda ilgerileýshilik baı­qalýda. Máselen, Almaty qa­lasy ákimi janynan bıylǵy jyl­dan bastap “Innovasııa jáne ǵy­ly­mı tehnologııalar jónindegi ǵy­ly­mı keńes” quryldy. Sóz reti kel­gende atap aıtarlyǵy, quramyna belgili ǵalymdar, joǵary oqý oryn­dary jetekshileri, bilikti ma­mandar en­gen ǵylymı keńes ınno­vasııalyq jobalardy óndi­ris­ke engizýge yq­pal etip, bilim, ǵylym salasynda óz usy­nys­taryn daıyn­daı­dy. So­nymen qatar, úzdik ınno­vasııalyq jo­ba­lar­dyń óndiriske enýi­ne múddelilik bil­dir­di. Ońtústik as­ta­nada ót­ken al­ǵash­qy ınnovasııalyq kon­vent­te Almaty qa­lasynyń ákimi Ah­metjan Esimov ǵy­lymı izdenis­ter­diń kókjıegin keńeı­tý­diń utym­dy ádisteri men joldary jóninde óz oıyn ortaǵa saldy. Qala áki­mi­niń usynysy boıynsha kele­shek­te Innovasııalyq kon­vent Almatyda jyl saıyn ót­kiziletin bolady. Son­daı-aq, bul konvent ǵalymdar men bıznes ókilderine arnalǵan dıalogtik alańǵa qyzmet etip, onda eń úzdik ınnovasııalyq jobalar, qyzmet­terdiń kóshbas­shylary irik­telinetin bolady. Eń bastysy, eń tańdaýly ári eń úzdik jobalarǵa Almaty qalasy ákiminiń úsh túrli no­mınasııa boıynsha syılyǵy ta­ǵaıyn­daldy. Premer-Mınıstrdiń oryn­ba­sary – Indýstrııa men jańa teh­nologııa mınıstri Áset Isekeshev jı­nalǵandarǵa bıylǵy 2010 jyl­dan bastap ınnovasııalyq tehno­lo­gııamen engizilgen tájirıbelik-kons­trýktorlyq jumystar arnaý­ly granttarǵa usynylatyndyǵyn ha­barlady. Keleshekte Úkimet grant­­ta­rynyń sany ulǵaıa túspek. Al, endi munyń ózi ýnıversıtet ǵyly­myna tyń serpin beretindigi, son­daı-aq stýdent-jastardyń na­za­ryn mańyzdy jobalarǵa aýda­rý­ǵa ıgi yq­pal etetindigi sózsiz. Onyń ústine ǵalymdar men jańa­lyq ashýshy­lar­ǵa qajetti qyz­met­tiń bárin yń­ǵaı­ly negizde usynýy úshin memleket tehno­park­terdiń shy­ǵyndaryn jabýǵa arnap mıl­lıondaǵan teńge qa­rajat bólýde. Ál-Farabı atyndaǵy QazUÝ-diń rektory Baqytjan Jumaǵulov óz kezeginde Almaty qalasynda ınnovasııany engizý úshin eń basty faktor bar ekendigin de tilge tıek etti. Árıne, munda ındýstrııa­landyrýǵa tikeleı jaýap beretin jáne bıznespen ózara qarym-qa­tynas mehanızmi bar qala ákim­di­giniń múddeliligin atap aıtqan jón. “Jasyratyny joq, búgingi tańda ǵylymı uıymdardyń bıznespen tikeleı baılanysy, qarym-qatysy joq. Al, endi búkil álemde ınno­va­sııalyq suranysty memleket pen iri korporasııalar qalyp­tas­tyrady. Bizde damý ınstıtýttary qurylǵan, alaıda, ókinishke oraı, ınnovasııaǵa suranys joq. Son­dyqtan da aldaǵy ýaqyttaǵy bizdiń mindetimiz osy mehanızmniń, ıaǵnı tetiktiń aýqymdy túrdegi qozǵa­lysqa enýine qol jetkizý”, dedi Baqytjan Jumaǵulov. Almatydaǵy alǵashqy ınnova­sııa­lyq konventte ortaǵa salynǵan máseleler arasynda oqytýshy­lar­dyń kásibı biliktiligin arttyrý jáne olardy qaıtadan daıyn­daý­dan ótkizý qajettiligi de nazardan tys qalmady. Eń ózekti másele – joǵary oqý oryndaryndaǵy oqý baǵdarlamalarynyń halyqaralyq standarttarǵa  jáne búgingi kúnniń joǵary talabyna sáıkes kelýinde bolsa kerek. Memleket basshy­sy­nyń bıylǵy Joldaýynda atap kór­setilgendeı, tek qana joǵary bilim deńgeıi jáne ınnovasııany engizý negizinde ǵana ekonomıkany qurylymdyq qaıta qurýǵa, otan­dyq ındýstrııany modernıza­sııa­laý jáne memleketimizdiń qarqyn­dy  damýyna qolaıly jaǵdaı ja­saýǵa bolady. Kópshilik tujyrymy osy. Baqyt BALǴARINA. ALMATY.