AQSh-tyń burynǵy memlekettik hatshysy Djordj Shýls 101 jasynda qaıtys boldy. Bul týraly keshe Stenford ýnıversıteti janyndaǵy Gýver ınstıtýtynyń saıtynda jarııalandy, dep habarlaıdy Egemen.kz.
Djordj Shýls AQSh-tyń 40-shy prezıdenti Ronald Reıganmen birge qyrǵı qabaq soǵysty toqtatý úshin dıplomatııa quraldaryn qoldana otyryp, tarıhtyń baǵytyn ózgertýde mańyzdy ról atqarǵan saıasatker. Sondaı-aq ol Rıchard Nıkson, Ronald Reıgan syndy amerıkandyq kóshbasshylardyń ákimshilikterinde mańyzdy qyzmetter atqardy. Ár jyldary eńbek jáne qarjy mınıstri, Aq úıdiń ákimshilik-bıýdjettik basqarmasynyń basshysy, AQSh-tyń memlekettik hatshysy boldy.
Instıtýt saıtyndaǵy Shýlstiń ómirbaıanynda ol «AQSh tarıhyndaǵy prezıdenttik kabınette tórt túrli laýazymǵa ıe bolǵan eki adamnyń biri» ekendigi aıtylǵan. Málimdemede keltirilgen baǵalaýǵa sáıkes, Shýls Amerıka tarıhyndaǵy «eń yqpaldy memleket qaıratkerleriniń biri» bolǵan.