«Qazgıdromet» 14 sáýirde el aýmaǵynda qolaısyz aýa raıy bolatynyn habarlady, dep jazady Egemen.kz.
Sınoptıkter boljamynsha, atmosferalyq frontaldy bólimderdiń ótýimen elimizdiń batysynda, soltústiginde, shyǵysynda naızaǵaı oınap, jańbyr jaýady. Respýblıkanyń batysy men ońtústik-batysynda qar aralas jańbyr, burshaq jaýyp, daýyl turady. Eldiń soltústiginde, shyǵysynda túngi ýaqytta jaýyn-shashyn (jańbyr, qar) bolady. Al ózge aımaqtarda jaýyn-shashynsyz aýa raıy boljanǵan.
Erteń qaı óńirlerde aýa raıyna baılanysty eskertý jasaldy?
Jalpy el aýmaǵynda tuman túsip, jel kúsheıedi. Ońtústikte shańdy daýyl turyp, shyǵysta kóktaıǵaq bolady. Túrkistan oblysynyń batysynda, soltústiginde, Jambyl oblysynyń batysynda, ońtústik-shyǵysynda, Almaty oblysynyń soltústiginde, batysynda, ortalyǵynda jyly temperatýra saqtalady. Sondaı-aq Jetisý oblysynyń soltústiginde, ońtústiginde, ortalyǵynda, Qaraǵandy oblysynyń batysynda, ońtústiginde, Abaı oblysynyń ońtústiginde órt qaýpi joǵary dep boljanǵan.
Qazaqstanda aýa raıy kúrt qubylady