Memleket basshysy «Altyn vıza» ıegerlerine beriletin jańa jeńildikter týraly aıtty

«Qazaqstandy jaıly aımaqtyq hab retinde tanytý úshin kóshi-qon úderisteri ońtaılandyrylyp jatyr. Onyń bári tolyq sıfrlyq formatqa kóshiriledi. Taıaýda qoldanysqa engizilgen «Altyn vıza» osy baǵyttaǵy eleýli sheshimderdiń biri boldy. Bul vızanyń ıegerleri uzaq ýaqyt boıy elimizdiń rezıdenti bola alady. Artyq ákimshilik júktemeden bosatylady. Olarǵa edáýir salyq jeńildigi beriledi. Baǵdarlamaǵa qatysýshylardyń jáne olardyń otbasy músheleriniń Qazaqstan azamattarymen birdeı sapaly bilim alýǵa, medısınalyq qyzmetti paıdalanýǵa múmkindigi bolady», dedi Prezıdent.

Toqaev: Memlekettik derekterdiń biryńǵaı júıesi bolmasa, jasandy ıntellektiden paıda joq

Memleket basshysy jasandy ıntellektini tıimdi qoldaný úshin derekterge baǵdarlanǵan basqarý modelin engizý kerek dep sanaıdy.

Prezıdent Úkimet pen Ulttyq bankke shuǵyl tapsyrma berdi

«Júıelengen derekter – jasandy ıntellektini damytýdyń ekonomıkalyq negizi. Mundaı derekter tehnologııanyń áleýetin paıdalanyp, ónimdilikti arttyrýǵa jol ashady. Osy rette til búkil júıeni biriktiretin basty qural bolýǵa tıis. Eń aldymen, qazaq tilin zamanaýı sıfrlyq júıelerge tolyq kiriktirý kerek. Sonda ǵana derekterdi qurylymdap, ınnovasııany barlyq salaǵa engizemiz. Ortaq derekter jınaqtalyp, ózara úılesimdi jáne mashına oqı alatyndaı formatta bolýǵa tıis. Áıtpese, eń myqty algorıtmniń ózi durys jumys istemeıdi, onyń esh paıdasy bolmaıdy. Qazir asa qundy aqparattyń kóbi arhıvterde shań basyp jatyr. Onyń bárin sıfrlyq formatqa kóshirý qajet. Biz ýaqyttan utylyp, múmkindikti paıdalana almaı jatyrmyz», dedi Memleket basshysy. Memleket basshysy Úkimet jasandy ıntellekt úlgilerin oqytý úshin arhıvterdegi jáne qoldanystaǵy málimetterdi sapaly derekter torabyna jınaqtaýǵa tıis ekenin aıtty.  «Bul jumysqa dereý kirisken jón. Budan bólek, Strategııalyq josparlaý jáne reformalar agenttigi derekter sapasyn aıqyndaıtyn ulttyq standartty bekitýi kerek. Ol ekonomıka, ǵylym jáne bıznes ókilderine qoljetimdi bolǵany abzal. Jalpy, derekterge baǵdarlanǵan basqarý úlgisine tolyq kóshý úshin Úkimet memlekettik baǵdarlamalardyń normatıvtik bazasy men mazmunyn qaıta qarap shyǵýǵa tıis. Málimetterdi júıelep, «derekter qoımasy» dep atalatyn biryńǵaı jelige kiriktirý mańyzdy. Jumystyń tıimdiligi soǵan qarap baǵalanady. Biz osy baǵytta shuǵyl sharalardy qolǵa almasaq, salynǵan ınvestısııa qumǵa sińgen sýdaı joq bolady, dedi Prezıdent. «Ne bolamyz, ne bordaı tozamyz»: Toqaev sıfrlandyrýǵa salǵyrt qaraýǵa bolmaıtynyn eskertti