Aqtóbe oblysynyń Hromtaý qalasynda er adamnyń máıiti tabyldy. Qaıǵyly oqıǵa 3 mamyr kúni kópqabatty úıdiń aýlasynda bolǵan, dep habarlaıdy Egemen.kz oblystyq polısııa departamentine silteme jasap.
Polısııa málimetinshe, oqıǵa ornynan zorlyq-zombylyq belgileri anyqtalǵan. Kóp uzamaı kisi óltirýge kúdikti retinde jábirlenýshiniń tanysy ustalyp, ýaqytsha ustaý ızolıatoryna qamaýǵa alyndy.
Aldyn ala derek boıynsha, eki er adam birge alkogol iship otyrǵan kezde aralarynda janjal týyndaǵan. Daýdyń sońy qaıǵyly jaǵdaıǵa ulasyp, kúdikti jábirlenýshige pyshaq jaraqatyn salǵan.
Máıitti tósektiń astyna jasyrǵan: Soltústik Qazaqtan oblysynda áıel tanysyn baltamen uryp óltirgen
Atalǵan fakti boıynsha Qylmystyq kodekstiń «Kisi óltirý» baby boıynsha is qozǵaldy. Tergeý amaldary júrgizilip jatyr.