Almatyda Prezıdent Qasym-Jomart Toqaevtyń tóraǵalyǵymen Jasandy ıntellektini damytý jónindegi keńestiń ekinshi otyrysy ótti. Memleket basshysy Úkimetke sıfrlyq ekonomıkanyń IJО́-ge áserin baǵalaý boıynsha usynystar engizýdi tapsyrdy, dep habarlaıdy Egemen.kz.
Qasym-Jomart Toqaevtyń paıymdaýynsha, jańa tehnologııalyq paradıgmaǵa kóshý úshin qazirgi jaǵdaıǵa obektıvti, shynaıy baǵa berý qajet.
«Sıfrlyq ekonomıka týraly tujyrymdama áli tolyq jasaqtalmaǵan, qoldanystaǵy ádisteme bir izge túspegen. Ishki jalpy ónimdi bes paıyzǵa jetkizý týraly aıtqanda, naqty ekonomıka sektoryndaǵy ósim men ınnovasııa nátıjesindegi tabystyń ara jigin ajyrata bilý kerek. Jalpylama kórsetkishter kóbine jumystyń tıimdiligin emes, aldamshy kórinis qalyptastyryp jatady. Sondyqtan bul sıfrlandyrý men jasandy ıntellektiniń el ekonomıkasyna qosqan naqty úlesin baǵalaýǵa múmkindik bermeıdi. Úkimet Strategııalyq josparlaý jáne reformalar agenttigimen birlesip, sıfrlyq ekonomıkanyń IJО́-ge áserin baǵalaý boıynsha usynystar engizgeni jón», dedi Memleket basshysy. Jıynda Memleket basshysy Qazaqstan jasandy ıntellektini asa mańyzdy strategııalyq baǵyt retinde qarastyratynyn aıtty.