Qazaqstan Badmınton Federasııasy kásibı sportshylarǵa arnalǵan ulttyq sıfrlyq reıtıng júıesin iske qosty. Jańa platforma zamanaýı derekterdi óńdeý tehnologııalary men jasandy ıntellekt elementterin paıdalaný arqyly ázirlengen, dep habarlaıdy Egemen.kz.
Atalǵan joba Prezıdent Qasym-Jomart Toqaev aıqyndaǵan sıfrlyq damý baǵytymen úndes. Bul rette 2026 jyl Sıfrlandyrý jáne jasandy ıntellekt jyly retinde belgilenip, barlyq salalarda sıfrlyq sheshimderdi engizý, ashyqtyq pen tıimdilikti arttyrý mindeti qoıylǵan. Sport salasy da osy úderisten tys qalǵan joq.
Jańa júıe aıasynda sportshylardyń biryńǵaı ortalyqtandyrylǵan sıfrlyq derekter bazasy quryldy. Bul baza sporttyq nátıjelerdi ulttyq deńgeıde júıeleýge jáne derekterdi ýaqtyly jańartyp otyrýǵa múmkindik beredi.
Reıtıng avtomattandyrylǵan algorıtm negizinde qalyptastyrylady. Baǵalaý prosesinde adam faktory qoldanylmaıdy, bul sportshylar nátıjelerin ádil, ashyq jáne birizdi baǵalaýdy qamtamasyz etedi.
Júıeniń negizgi artyqshylyqtary:
reıtıng upaılaryn esepteýdiń ashyq mehanızmi; sýbektıvti baǵalaýdy boldyrmaý; sporttyq nátıjelerdi avtomattandyrylǵan óńdeý; barlyq sportshylar úshin biryńǵaı standart; derekterdi ortalyqtandyrylǵan saqtaý jáne basqarý.Sıfrlyq reıtıng júıesin engizý ulttyq badmıntondy damytýdaǵy mańyzdy qadam bolyp sanalady. Bul bastama sport salasynyń básekege qabilettiligin arttyrýǵa, ádil sporttyq orta qalyptastyrýǵa jáne basqarý tıimdiligin kúsheıtýge baǵyttalǵan.
Qazaqstan Badmınton Federasııasy aldaǵy ýaqytta da sport salasyn sıfrlandyrý, ınnovasııalyq sheshimderdi engizý jáne zamanaýı basqarý júıelerin damytý baǵytyndaǵy jumystardy jalǵastyratynyn málimdeıdi.