Premer-mınıstrdiń orynbasary – Ulttyq ekonomıka mınıstri Serik Jumanǵarın elimizdegi shaǵyn jáne orta bıznes sýbektileriniń azaıýyna qatysty pikir bildirdi, dep habarlaıdy Egemen.kz.
Serik Jumanǵarınniń málimetinshe, 2026 jyldyń I toqsanynda shaǵyn jáne orta bıznes sektorynda birqatar ózgeris tirkeldi. ShOB-tan bıýdjetke túsim 20,3%-ǵa ósip, elektrondyq shot-faktýralar arqyly aınalym 14%-ǵa artqanymen, 207 912 jeke kásipkerlik qyzmetin toqtatqan.
Bıznesmender men ekonomıster mınıstrdiń reformasyna narazylyq bildirdi
Alaıda mınıstrdiń aıtýynsha, jabylǵan kásipkerlerdiń basym bóligi tabysy joq nemese uzaq ýaqyt belsendi bolmaǵan bıznes sýbektileri sanalady, sondaı-aq bir bóligi ózin-ózi jumyspen qamtý formatyna aýysqan nemese basqa jumys túrine ótken.
Sonymen qatar, 99 myńnan astam jańa salyq tóleýshi tirkelip, 410 myńnan astam ózin-ózi jumyspen qamtyǵan azamat paıda bolǵan, olardyń basym bóligi platformalyq qyzmetterde (InDriver, Yandex, Wolt jáne t.b.) jumys isteıdi.
Bıznestegi bıýrokratııa azaıdy ma? Qarjy vıse-mınıstri jaýap berdi
Mınıstrdiń sózinshe, bul úrdisti shaǵyn bıznestiń quldyraýy emes, ekonomıkanyń qurylymdyq transformasııasy retinde baǵalanyp otyr.
Nurbolat AMANBEK