Áleýmettik jelilerde Shymkent qalasynyń Chapaevka shaǵyn aýdanynda bolǵan oqıǵa túsirilgen vıdeo tarady. Aldyn ala málimetke sáıkes, jergilikti ákimdik ókilderi áskerı jasqa tolǵan azamattardy esepke alý maqsatynda josparly reıd júrgizgen. Sol sátte jas jigit jaǵdaıdy durys túsinbeı, dúrbeleńge túsip, qashpaq bolǵan. Qatty qobaljyǵan ol qulap qalǵan, dep habarlaıdy Egemen.kz.
Resmı aqparat boıynsha, mamandar oǵan jaǵdaıdy túsindirgennen keıin azamat óz erkimen jıyn pýnktine barǵan. Keıin ol medısınalyq tekseristen ótip, áskerge jaramdy dep tanylǵan.
Kóp uzamaı vıdeodaǵy azamat – qala turǵyny Islam О́zjan jelide málimdeme jasap, oqıǵa kezinde quqyq qorǵaý organdary qyzmetkerlerinen shoshyp qashqanyn aıtty. Sondaı-aq qazirgi ýaqytta ol ásker qataryna óz erkimen baryp jatqanyn jetkizdi.
Kóktemgi áskerge shaqyrý: О́tinimdi endi onlaın berýge bolady
Ishki ister mınıstrligi bul jaǵdaı boıynsha resmı aryz nemese shaǵym túspegenin málimdedi.