2026 jyldyń bastapqy tusynda Qazaqstan ekonomıkasynda ınvestısııalyq belsendilik aıqyn kúsheıip, negizgi ósim faktoryna aınaldy. Negizgi kapıtalǵa salynǵan ınvestısııalar kólemi 3,5 trln teńgege jetip, 6,4%-ǵa artty. Bul týraly Úkimet otyrysynda Ulttyq ekonomıka birinshi vıse-mınıstri Azamat Ámrın aıtty, dep habarlaıdy Egemen.kz.
Vıse-mınıstrdiń aıtýynsha, ınvestısııa tartý baǵytynda óńirler arasynda Jambyl, Túrkistan jáne Ulytaý oblystary kósh bastap tur. Al salalyq turǵyda qarjynyń basym bóligi elektrmen jabdyqtaý, baılanys jáne aýyl sharýashylyǵy baǵyttaryna quıylǵan. Bul ekonomıkanyń naqty sektorlarynda ósim bar ekenin kórsetedi.
35 myń dollar kólemindegi ınvestısııa: Pavlodarlyq oqýshynyń TabAI jobasy Google grantyn ıelendi
Syrtqy saýda kórsetkishteri de oń dınamıkany aıǵaqtaıdy. Jyldyń alǵashqy 2 aıynda taýar aınalymy 11,3%-ǵa ósip, 21,7 mlrd dollardy qurady. Bul – eksport pen ımport aǵyndarynyń turaqty damyp kele jatqanyn bildiredi.
«Ekonomıkalyq ósim jónindegi jedel shtabta apta saıyn naqty kásiporyndardyń problemalyq máseleleri jáne ónim shyǵarýdy ulǵaıtý úshin olardy sheshý joldary qaralady. IJО́-niń targetteletin ósýin qamtamasyz etý maqsatynda salalyq mınıstrlikter salalardy damytýdyń nysanaly parametrlerine qol jetkizý úshin barlyq qarjylyq jáne qarjylyq emes sharalardy qabyldaýdy qamtamasyz etýi qajet», dedi Azamat Ámrın.
Investısııa kóleminiń ulǵaıýy ekonomıkanyń ornyqty damýyna serpin berip, óńirler men salalar arasyndaǵy iskerlik belsendilikti arttyrady.
Polısııa ınvestısııalyq alaıaqtyqtyń qaýipti shemalary týraly eskertti