Shymkent qalasy Polısııa departamentiniń Ál-Farabı aýdany Polısııa basqarmasy jergilikti polısııa qyzmeti bóliminiń ýchaskelik ınspektorlary karantın rejıminiń saqtalýyn baqylaý boıynsha reıdtik is-sharalardy ótkizýdi jalǵastyryp jatyr, dep habarlaıdy Egemen.kz Polisia.kz saıtyna silteme jasap.
Reıdtik is-sharalar nátıjesinde karantın talaptaryn elemeı jumys istegen “ZEUS” kompıýterlik klýby anyqtaldy. Onyń ishinde 50-ge jýyq adam bolǵan.
Atalǵan jaıt boıynsha ýchaskelik polısııa ınspektorlary jınalǵan ákimshilik qujattardy karantındik shekteý talaptaryn buzǵany úshin kompıýterlik klýbtyń ıesine qatysty QR ÁQBtK 425-babynyń 1-bóligi boıynsha sharalar qabyldaý úshin Ál-Farabı aýdany boıynsha sanıtarlyq-epıdemıologııalyq baqylaý basqarmasyna joldady. Tártip saqshylary karantın talaptaryn kez kelgen buzý jaıty ákimshilik jaýapkershilikke ákep soǵatynyn eskertedi.