MSAK-tyń (medısınalyq-sanıtarııalyq alǵashqy kómek) 36 uıymynda barlyǵy 36 egý kabıneti jumys isteıdi, onda COVID-19-ǵa qarsy vaksınasııa júrgizý josparlanýda. Bul týraly qalalyq Qoǵamdyq densaýlyq saqtaý basqarmasynyń basshysy Tımýr Muratov málim etti, dep habarlaıdy Egemen.kz elorda ákimdiginiń resmı saıtyna silteme jasap.
«Egý pýnktteri barlyq qajetti zattarmen qamtamasyz etilgen jáne sanıtarlyq talaptarǵa sáıkes keledi. Barlyq sanıtarlyq-epıdemıologııalyq normalardy saqtaı otyryp, 36 vaksınasııa kabıneti daıyndaldy», dedi Tımýr Muratuly. Basqarma basshysy sózin jalǵaı otyryp, 36 jyljymaly brıgada, sondaı-aq COVID-19-ǵa qarsy vaksınasııa júrgizý men uıymdastyrýǵa, qaldyqtardy kádege jaratýǵa jaýapty qyzmetkerler belgilengenin atap ótti.