Segiz óńirde joldar jabyldy

«Azamattardy aýa raıynyń ózgeristerin baqylaýǵa shaqyra­myz. Daýyldy eskertý týraly habarlamalardy tyńdap, qajetti saqtyq sharalaryn qa­byldańyzdar. Qys maýsymynda kólikpen alys joldarǵa shyqpas buryn, aýa raıy boljamyn mindetti túrde zerdelegen jón. Eger qatty boran, burqasyn bolsa, jol keptelisinde uzaq turyp qalýyńyz múmkin. Tipti jol-kólik oqıǵasyna da tap bolýyńyz yqtımal. Eger qandaı da bir eldi mekenge shuǵyl barý kerek bolsa, dit­tegen jerge kedergisiz jetý úshin temir jol kóligin paı­­dalanýǵa keńes beremiz. Tómende keltirilgen qarapaıym usynymdardy oryndasańyz, boran bolǵan kezde jáne borannan keıin aman qalýǵa kóp septigin tıgizedi. Qysta jolǵa shyǵar aldynda muqııat aýa raıy boljamyn zerdeleńiz, qozǵalys úshin qandaı joldar jabylýy múmkin ekenin anyqtańyz», delingen habarlamada.

Sonymen birge aqparatty «Qazavtojol» UK» saıtynda tolyǵymen jabyq ýchaskelerdiń kartasyn kórýge bolady. 1403 biryńǵaı telefon nómiri nemese qutqarý qyzmetiniń «112» telefon nómiri, sondaı-aq «Dármen» mobıldi qosymshasy arqyly naqtylaýǵa bolady. «112» qyz­metinen resmı daýyldy eskertý alǵan jaǵdaıda eldi mekenderden jáne jolǵa shyǵýdan bas tarta turý qajet. Shuǵyl qyzmetter avtomobılderdi lek­pen ilesip júrýge sheshim qa­byl­daǵan jaǵdaıda jol qozǵa­lysy erejelerin saqtańyz; ilesip júretin shuǵyl qyzmet bel­gile­gen jyldamdyq rejimin saqtańyz; ótkizý pýnktinen shyqqan avtomobıldiń artynan ilesińiz jáne ony basyp ozbańyz; aldynda kele jatqan avtomobıldiń arasyndaǵy qa­shyqtyqty saqtańyz; aldaǵy avto­mobılderdi basyp ozýǵa bol­­maıdy; aınaladaǵy qozǵa­lysqa mán berińiz.