Senattyń Ekonomıkalyq saıasat, ınnovasııalyq damý jáne kásipkerlik komıtetiniń depýtattary birneshe mınıstrliktiń basshylyǵymen kezdesip, ónerkásip salasyndaǵy ózekti máseleler jáne olardy sheshý joldaryn talqylady, dep habarlaıdy Egemen.kz.
Senatorlar otandyq ónim eksportyn ilgeriletýdi qamtamasyz etý úshin «Bir tereze» tetikterin damytýdyń mańyzyn atap ótti. Jıynda eksporttyq-ımporttyq operasııalardy sıfrlandyrýdyń qazirgi jaǵdaıy týraly da sóz qozǵaldy.
Energetıka mınıstrligi qaıta óńdeý salasyn damytýǵa múmkindik beretin Munaı jáne gaz hımııasyn damytýdyń ulttyq jobasyn ázirleýdi josparlap otyr. Joba munaı-hımııa ónimderin shıkizatpen qamtamasyz etý, munaı-hımııa klasterin qurý, odan ári óńdeýdi damytý máselelerin sheshýge jol ashady.
Parlamentshiler aýylsharýashylyǵy ónimderin óńdeıtin kásipkerlerdi alańdatyn otyrǵan máselelerdi de kóterdi. Aýyl sharýashylyǵy mınıstrliginiń habarlaýynsha, mundaı kásiporyndardy qoldaý úshin memleket olardyń qoldanystaǵy zaýyttardy jańǵyrtýǵa jáne jańalaryn salýǵa baǵyttalǵan ınvestısııalardyń shyǵyndaryn óteıdi. Sonymen qatar, olardyń sút tasymaldaýshylar, tońazytqyshtar jáne basqalaryn satyp alýǵa jumsaıtyn shyǵyndarynyń 25%-na deıin bıýdjetten sýbsıdııa beriledi.
Senatorlar men ulttyq ekonomıka, qarjy, energetıka, syrtqy ister mınıstrlikteriniń, sondaı-aq bilim jáne ǵylym mınıstrlikteriniń ókilderi kóptegen suraqtarǵa jaýap berdi.
Kezdesý «Qazaqstan Respýblıkasynyń ónerkásiptik saıasatyn zańnamalyq retteý: jaǵdaıy, máseleleri jáne sheshimderi» taqyryby boıynsha ótetin Úkimet saǵatyna daıyndyq aıasynda ótti.