Ekologııa, geologııa jáne tabıǵı resýrstar mınıstrligi Orman sharýashylyǵy jáne janýarlar dúnıesi komıtetiniń "Ohotzooprom" RMQK ınspektorlary Atyraý qalasynyń polısııa departamentimen birlesip ótkizgen profılaktıkalyq reıdter nátıjesinde brakonerlerden 360 kıik múıizin tárkiledi, dep habarlaıdy Egemen.kz.
Atyraý oblysynyń "Geolog" aýylynda bolǵan reıd kezinde VAZ markaly 2 avtokólik toqtatyldy. Birinshi avtokólikti tekserý kezinde 200 dana múıiz, ekinshisinen - 164 dana kıik múıizi tabylyp, tárkilendi.
Atalǵan fakti boıynsha QR QK 339-baby "sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan ósimdikter men janýarlardyń túrlerin, olardyń bólikterin nemese derıvattaryn zańsyz paıdalaný"boıynsha qylmystyq is qozǵaldy.
Esterińizge sala keteıik, Ohotzooprom janýarlar men ósimdikterdiń bıoalýantúrliligi men gendik qoryn saqtaý maqsatynda olardyń paıdalanylýyn, ósimin molaıtýdy jáne jasandy ósirilýin baqylaýdy jáne tabıǵatty qorǵaýdy júzege asyrady.