Bilimge umtylǵan áıelder kóbeıdi

SOVID-19 pandemııasy kezinde áıel zert­teýshileriniń róli orasan zor. Onyń bir­den bir dáleli COVID-19 indetiniń  ár­túrli kezeńderindegi, vırýs týraly bilimdi tereńdetýden bastap, vırýsqa qarsy vaksınany testileý ádisteri men vırýsqa qarsy vak­­sınany ázirleýge deıin birshama jumys at­qarylyp keledi.

Ǵylym men genderlik teńdik damý maq­sattaryna qol jetkizýdiń, onyń ishinde or­nyqty damýdyń 2030 jylǵa deıingi kún tár­tibinde kórinis tapqany belgili. Sońǵy jyl­dary álemdik qaýymdastyq áıelder men qyzdardy ǵylymǵa tartý salasynda aıtar­lyqtaı jetistikterge jetti. Soǵan qara­mastan, olar osy salada áli de shekteý­lerge tap bolyp otyr. Kóbinese bul belgili bir kásip­terde mansap qurýǵa kedergi keltiretin gen­derlik kertartpa qaǵıdalarǵa baılanys­ty.

«Áıelder búkil álemdegi densaýlyq saq­taý jáne áleýmettik saladaǵy jumys kúshi­niń shamamen 70%-yn quraıdy jáne pandemııamen kúresýde aldyńǵy qa­tar­da. Osylaısha qyzdardyń ártúrli ma­mandyqtarda, sonyń ishinde ǵylymda ju­mys isteı alýy úshin olardyń bilim alýyna neǵurlym kóp qarajat jumsalsa, biz qoǵam, qaýymdastyq jáne otbasy retinde soǵurlym kóp paıda kóremiz», dedi IýNFPA-nyń Qa­zaqstandaǵy ókili jáne Qyrǵyzstan men Túrik­menstandaǵy eldik dırektory Djýlııa Valleze.

Genderlik teńdik – bul adamnyń negizgi quqyǵy ǵana emes, sondaı-aq beıbit, gúl­dengen jáne ornyqty álem úshin mańyzdy negiz. Qyzdardyń deni saý bolyp, ómirde bar­lyq múmkindikterge ıe bolýy úshin ánshi, bel­sendi ári IýNFPA spıkeri Aqmarjan Kósher­baeva (KALIYA) jáne The Steppe saıtymen birge «Qyz taǵdyry» atty jobany iske qostyq. Joba qyzdarǵa, áıelderge jáne she­shim qabyldaýshylarǵa bilim alýǵa jáne bar­lyǵyna teń qoǵam qurýǵa kómektesetin kóp­tegen aqparattan turady.

«Ǵasyrlar boıy ǵalymdar álem týraly kóbirek bilýge, óz qııaldarynyń shekaralaryn ashýǵa jáne basqalardyń ómirin jaqsy jaqqa ózgertýge umtyldy. Kez kelgen qyzdyń dál osylaı isteýge múmkindigi bar jáne ár qyzǵa múmkindik berilýi kerek», dedi A.Kósherbaeva.