Qyzylordada jyl saıyn aýǵan ardagerlerine birjolǵy áleýmettik kómek kórsetiledi. Máselen bıyl ár ardagerge 87510 teńge kóleminde qarjy qaralyp, 10 aqpannan bastap tólenýde. Bıyl Keńes áskerleriniń aýǵan jerinen shyǵarylǵanyna - 32 jyl. Aımaqta aýǵan soǵysyna qatysqan 592 ardager bar. Búginde olar ártúrli salada eńbek etedi.
- Aýǵan ardagerlerine memleket tarapynan aı saıyn 17 myń teńge mólsherinde arnaıy járdemaqy tólenip otyr. Aýǵan soǵysynyń qatysýshylary men múgedekterine qosymsha qoldaý retinde 2012 jyldan bastap jylyna bir ret 30 AEK mólsherinde birjolǵy áleýmettik kómek kórsetilip keledi. Buǵan qosa, múgedek ardagerlerge shıpajaıǵa joldama qarastyrylady, - dedi oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary Meırambek Ábdikárimov.
О́ńirde 15 aqpan kúni Aýǵan soǵysynda qaza tapqan jaýyngerlerdi eske alý maqsatynda «Taǵzym alańy» alleıasynda ornalasqan eskertkishke gúl shoqtaryn qoıý rásimi jáne eske alý mıtıngisi uıymdastyrylyp, quran baǵyshtalatyn bolady.