Sokolov-Sarybaı ken óndirý birlestigindegi Qyzyljar kenishinde jaqynda ák kúıdiretin keshen iske qosyldy. Bul keshenniń iske qosylýy osy aradan ák tastyń óndirilýine tikeleı baılanysty. Ák tasty aldymen qıyrshyqtap, odan keıin kúıdiredi. Paıdaly kendi uqsatyp júrgen burynǵy jabdyq eskirdi, ony jańartýdy ýaqyt talap etti. Sondyqtan ák óndirýdi jaqsartý úshin oblystyń ındýstrııalandyrý kartasyna engen jańa jobany júzege asyrý kerek boldy. Ák kúıdiretin eki peshtiń qurylysy 2011 jyly bastalǵan bolatyn.
Sokolov-Sarybaı ken óndirý birlestigindegi Qyzyljar kenishinde jaqynda ák kúıdiretin keshen iske qosyldy. Bul keshenniń iske qosylýy osy aradan ák tastyń óndirilýine tikeleı baılanysty. Ák tasty aldymen qıyrshyqtap, odan keıin kúıdiredi. Paıdaly kendi uqsatyp júrgen burynǵy jabdyq eskirdi, ony jańartýdy ýaqyt talap etti. Sondyqtan ák óndirýdi jaqsartý úshin oblystyń ındýstrııalandyrý kartasyna engen jańa jobany júzege asyrý kerek boldy. Ák kúıdiretin eki peshtiń qurylysy 2011 jyly bastalǵan bolatyn.
– Qazirgi peshterdiń burynǵylardan basty aıyrmashylyǵy bar, olar kómirmen emes, gazben jumys isteıdi. Bul áktiń óte sapaly óndirilýine yqpal etedi. Sapa – ken óndirý birlestigi úshin basym baǵyt. Sondyqtan jańa jobanyń bizdiń bólimshe úshin mańyzdylyǵy da osynda jatyr, – deıdi Qyzyljar kenishiniń bastyǵy Valerıı Klıshın.
Ák tek Sokolov-Sarybaı ken óndirý birlestiginiń óndiristik qajetin ótep qana qoımaıdy, ol jalpy oblys óńiriniń tutynýshylary úshin shyǵarylady. Ár pesh táýligine 50 tonna ák kúıdire alady, al jyldyq kórsetkish 30 myń tonnany quraıdy. Quny 1 mıllıard teńgeden astam joba arqasynda ák kúıdirý kesheninde qosymsha taǵy da 50 jumys orny ashyldy.
– Sokolov-Sarybaı ken óndirý birlestigi ekonomıkalyq jańǵyrtý máselelerinde sheshimdi qadamdar jasap otyr. Tek Rýdnyı qalasy ǵana emes, tutas Qostanaı oblysynyń ekonomıkalyq ıgiligi elimizdegi ken óndirý salasynyń iri kásipornyndaǵy jumystyń yrǵaqtylyǵyna baılanysty ekenin biz jaqsy túsinemiz, – deıdi «Sokolov-Sarybaı ken óndirý birlestigi» aksıonerlik qoǵamynyń prezıdenti Muhamedjan Turdahýnov. Qurylys qarqyn alǵan qazirgi ýaqytta ák elimizdiń qaı shalǵaıynda bolsyn qajettiligi mol taýar. Onyń syrtqy naryqta da suranymyna eshkim shek keltirmeıdi.
Názıra JÁRIMBETOVA,
«Egemen Qazaqstan».
Qostanaı oblysy,
Rýdnyı qalasy.