Shymkent qalasynyń ákimi Murat Áıtenov Ál-Farabı aýdanyndaǵy birqatar kásipkerlik nysannyń jumysymen tanysty, dep habarlaıdy Egemen.kz
Qala ákimi aldymen «Aqtas – 2» shaǵynaýdanyndaǵy baý-baqshanyń jumysyn kórip, máselelerin tyńdady. Rabat tas joly boıynda ornalasqan alma baýynyń jalpy aýmaǵy – 100 ga. 4 túrli alma sortynan 250 myń túp alma aǵashy otyrǵyzylǵan. 2020 jyly sý tapshylyǵynan ónim berý kórsetkishi tómendep, jaz mezgilinde 100 tonna, kúz mezgilinde 8 tonna ónim jınalǵan.
Bıyl alma aǵashtaryn butaý jáne dárileý jumystaryna qosymsha qarjy bólinip, jospar boıynsha aǵymdaǵy jyly 500-1000 tonna kóleminde ónim alý josparlanyp otyr. Sonymen qatar, qosymsha 12500 túp alma aǵashyn otyrǵyzý josparda.
Jalpy osy atqarylǵan jumystar nátıjesinde jáne sý tapshylyǵy tolyǵymen sheshilgen jaǵdaıda 100 gektardan 3000-5000 tonnaǵa deıin ónim alýǵa múmkindik bar.