Túrkistan oblysynyń ákimi О́mirzaq Shókeev qaladaǵy birqatar qurylys nysanyn aralady. Ákimshilik-iskerlik ortalyǵynda salynyp jatqan turǵyn úılerde bolyp, B.Sattarhanov dańǵylyndaǵy turǵyn úılerdiń syrtqy kelbetin retke keltirý jumysyn pysyqtady.
Aımaq basshysy Kentaý-Túrkistan baǵytyndaǵy «Batys Eýropa – Batys Qytaı» avtojoly aralyǵyndaǵy Arys-Túrkistan kanalynda ornalasqan kópirdiń qurylys jumysymen tanysty. Jaýapty tulǵalarǵa birqatar tapsyrma berip, qurylys qarqynyn kúsheıtýdi tapsyrdy. Atalǵan aýmaqta jaıaý júrginshi jolynyń da adamdar úshin yńǵaıly, jaryq bolýy qarastyrylǵan. Atap aıtqanda, avtokólik jolynan bólek 2 metrden júrginshi jáne múmkindigi shekteýli jandar úshin pandýs qoıý qarastyrylǵan. Odan ózge, shaǵyn arhıtektýralyq pishinder, jaryqsham, oryndyq, qorshaý jáne qoqys jáshikteri bolady.
О́mirzaq Shókeev B. Sattarhanov dańǵyly boıyndaǵy «Jelilik saıabaq» pen «Túrki baǵynda» boldy. Búgingi tańda munda úshinshi kezeńiniń jumysy júrip jatyr. Qazirgi ýaqytta sýburqaqtarǵa arnalǵan oryndy retke keltirý j.rgizilip jatyr. Aýmaǵy 15 gektar demalys ornyna 190 jumysshy men 80 tehnıka jumyldyrylǵan. Al, Túrki baǵynda art-qabyrǵalar ornatylyp, qurǵaq sýburqaq salynady. О́ńir basshysy atqarylyp jatqan jumystyń sapaly oryndalýyn eskertip, turǵyndardyń qolaılylyǵy úshin barlyq qajetti jaǵdaıdyń jasalýyn talap etti.
Odan soń, Túrkistan qalasyndaǵy biregeı joba «Kerýen saraı» keshenin aralap kórdi. Búginde aýmaǵy jasyl jelekti, velosıpedpen serýen quryp jáne jaıaý júrginshige yńǵaıly bolýy úshin jaryqsham, oryndyq, qoqys jáshigi, sondaı-aq, kógal, sý arnasy, tasjol tóselý arqyly jańarǵan kóshege aınalmaq. О́ńir basshysy oblystyq ǵylymı-ámbebap kitaphanasy men «Tuńǵysh Prezıdent saıabaǵy» demalys aımaǵynda júrgizilip jatqan jumystardy baqylady. Kezek kúttirmeıtin jumystardy merziminde tapsyrýdy júktedi.