Batys Qazaqstan oblysynda oqýshylar men muǵalimderden koronavırýs anyqtalyp, 17 mektep karantınge jabyldy, dep habarlaıdy Egemen.kz
8 aqpannan bastap oblystyń bas memlekettik sanıtar dárigeriniń qaýlysymen oqý oryndary ınkýbasııalyq kezeń aıaqtalǵanǵa deıin qyzmetin toqtatty.
BQO sanıtarlyq-epıdemııalyq baqylaý departamenti qazir óńirde 17 orta mektep karantınge jabylǵanyn, onyń 8-i Oral qalasynda ornalasqanyn habarlady.
– Aqpannyń basynan beri Oralda 43 oqýshy KVI juqtyrdy. Olardyń 28-i shtattyq formatta oqyǵan. Qazir qala boıynsha segiz mektep karantınge jabyldy. 16 aqpannan bastap eki mektep jumysyn qaıta bastady, – dedi Oral qalalyq bilim bóliminiń bas mamany Baǵdagúl Baqtygereeva.
Mektepterde karantın eki aptaǵa jarııalanady. Barlyǵy qashyqtan oqytý formatyna aýysady. Aıta keteıik, qazir BQO koronavırýs ınfeksııasynyń taralý qarqyny boıynsha «sary» aımaqta.