Búgin Qostanaıda «Nur Otan» partııasy oblystyq fılıaly saıası keńes bıýrosynyń otyrysy ótti, dep habarlaıdy Egemen.kz
Aımaq basshysy Arhımed Muhambetovtiń tóraǵalyǵymen ótken jıynda 22 negizgi ındıkatory bar saılaý baǵdarlamasyn iske asyrý jónindegi «Jol kartasy» maquldandy.
«Bul ındıkatorlar boıynsha 136 is-shara bekitildi. Olardyń oryndalý merzimi birneshe jylǵa sozylady. Sonymen qatar, jaýapty oryndaýshylar da anyqtaldy. Aldaǵy 2021-2025 jyldary oblysta 50-ge jýyq ınvestısııalyq jobany iske asyrý josparlanýda. Atalmysh jobalar sátti júzege asyrylsa, 6 myńnan astam jańa jumys orny ashylady. Munyń bári azamattarymyzdyń ál-aýqatyn jaqsartýǵa múmkindik beredi», dedi oblys ákimi.