2020 jyldyń qorytyndysy boıynsha Qazaqstanda 25 541 múgedektigi bar adamǵa jumyspen qamtýdy qoldaýdyń túrli sharalary kórsetildi, dep habarlaıdy Egemen.kz.
Olardyń 15,4 myńnan astamy Nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy sheńberinde jumysqa ornalastyryldy, onyń ishinde 7,2 myńy turaqty jumys oryndaryna, al qalǵandary áleýmettik jumys oryndaryna, jastar praktıkasyna jáne qoǵamdyq jumystarǵa ornalastyryldy. Budan basqa, 1,5 myńǵa jýyq adam mıkrokredıtter men granttar aldy, onyń ishinde «Bastaý bıznes» jobasy aıasynda.
Sondaı-aq, 2,2 myń múgedektigi bar adam Jumyspen qamtýdyń 2020-2021 jyldarǵa arnalǵan jol kartasy sheńberinde jumysqa ornalastyryldy.
Múgedektigi bar adamdar úshin jumys oryndaryn kvotalaý qaǵıdalaryna sáıkes 2020 jyly jumys berýshiler múgedektigi bar 6,4 myń adamdy jumysqa qabyldady.
Halyqaralyq tájirıbeni eskere otyryp, múgedektigi bar adamdardy jumysqa ornalastyrý úshin arnaıy jumys ornyn jaraqtandyrýǵa baılanysty jumys berýshilerdiń shyǵyndaryn sýbsıdııalaý tártibi engizildi, ol boıynsha ótken jyly kórý, estý jáne tirek-qımyl apparaty buzylǵan adamdar úshin 31 arnaıy jumys orny quryldy.