Keshe Premer-Mınıstr Serik Ahmetovtiń tóraǵalyǵymen ótken Úkimet otyrysynda Qaraǵandy oblysynyń Jezqazǵan, Sátbaev qalalary men Ulytaý aýdanyn áleýmettik-ekonomıkalyq damytýdyń keshendi jospary bekitildi.
Keshe Premer-Mınıstr Serik Ahmetovtiń tóraǵalyǵymen ótken Úkimet otyrysynda Qaraǵandy oblysynyń Jezqazǵan, Sátbaev qalalary men Ulytaý aýdanyn áleýmettik-ekonomıkalyq damytýdyń keshendi jospary bekitildi.
Premer-Mınıstr mıneraldyq-shıkizat resýrstaryna baı aımaq úshin bul qujattyń mańyzdy ekenin atap ótti. «Memleket basshysynyń tapsyrmasy boıynsha jasalǵan bul keshendi jospar ekonomıkany ártaraptandyrýǵa ǵana emes, sonymen qatar, jumys istep turǵan ónerkásipterdi, aldymen «Qazaqmys» korporasııasy kásiporyndaryn naqty jańǵyrtýǵa baǵyttalǵan», dedi Serik Ahmetov.
«Keshendi josparda qosymsha mıneraldyq shıkizattardy izdep-barlaýǵa baılanysty máseleler basty nazarǵa alynǵanyn aıtqan Serik Ahmetov Indýstrııa jáne jańa tehnologııalar mınıstrligine «Qazaqmys» korporasııasymen birlesip, aımaqtyń ken-barlaý bazasyn keńeıtý boıynsha jumystardy kúsheıtýdi tapsyrdy.
Úkimet basshysy Jezqazǵan aımaǵyn damytýdyń zor qarqyny bıznesti, monoqalalardy, jumyspen qamtýdy damytý memlekettik baǵdarlamalaryn júzege asyrýmen tikeleı baılanysty ekendigine de toqtaldy. «Osy baǵdarlamalar arqyly shaǵyn qalalardyń ekonomıkasyn ártaraptandyrý, shaǵyn jáne orta bızneske qoldaý kórsetý qajet», dedi Úkimet basshysy.
Premer-Mınıstrdiń aıtýynsha, qazirgi kezde tóselip jatqan «Jezqazǵan–Beıneý», «Jezqazǵan–Arqalyq» joldary boıyndaǵy salynyp otyrǵan ınfraqurylymdar óńirdiń ekinshi tynysy ashylýyna, óz áleýetin kórsetýine múmkindik beredi. «Memleket basshysynyń osy jónindegi tapsyrmasy buljytpaı oryndalýy tıis», dedi Úkimet basshysy.
Keshendi josparǵa engizilgen ózgerister týraly jıynda О́ńirlik damý mınıstri Bolat Jámishev baıandady. Mınıstrdiń aıtýynsha, osy sharalardyń nátıjesinde 2020 jylǵa qaraı óńirde salyq túsimi kólemi qosymsha 323 mlrd. teńgeni quraıdy, ónerkásip ónimi kólemi 32 paıyzǵa artady, shaǵyn jáne orta bıznes esebinen óndiris kólemi qosymsha 9 paıyzǵa ulǵaıady. Al «Qazaqmystyń» osyndaǵy kásipornynyń 22 myń jumyskeriniń ortasha jalaqysy 14 paıyzǵa ósedi dep kútilýde. Keshendi jospar óńirdegi barlyq máselelerdi sheshe otyryp, Jezqazǵan aımaǵynyń elimizde ónerkásip ónimderin óndirýdegi burynǵy aldyńǵy qatardaǵy ornyn saqtap qalýdy kózdeıdi.
Otyrysta, sondaı-aq, Qaraǵandy oblysynyń ákimi B.Ábdishev, «Qazaqmys» korporasııasynyń basqarma tóraǵasy E.Ogaı sóıledi. Baıandamashylar keshendi jospardy óńirdiń damýy, onyń óndiristik áleýetin nyǵaıtý, oblystyń odan ári áleýmettik-ekonomıkalyq ósýi úshin asa mańyzdy dep baǵalady.
Dınara BITIKOVA,
«Egemen Qazaqstan».