Qarýly Kúshterdiń qarý-jaraq pen áskerı tehnıkanyń halyqaralyq naryǵyn zertteý aıasynda qazaqstandyq sarapshylar ARMA-8x8 túrik brondy mashınasynyń múmkindikterin baǵalady, dep habarlaıdy Egemen.kz.
Qaraǵandy garnızonyndaǵy «Spassk» oqý-jattyǵý polıgonynda NEFER jaýyngerlik úlgidegi ARMA-8x8 brondalǵan dóńgelekti mashınanyń múmkindigi kórsetildi.
Kóliktiń jaýyngerlik múmkindikteri men borttaǵy qarý-jaraǵy táýliktiń túrli mezgilinde synaqtan ótkizildi.
О́ndirýshiniń málimetine súıensek, bul NEFER (7,62 mm qosarlanǵan oqshasharmen 30 mm 2A42 avtomatty zeńbiregi) áskerı mashınasyn Qazaqstan áskeri paıdalaný úshin arnaıy ázirlegen.
Ol túngi ýaqytta kózdeý kesheni men jylýǵa den qoıýshy kamerany qoldana otyryp, atys júrgizedi.Bul aıqyn kórinis pen maqsatty dáldep zaqymdaýdy qamtamasyz etedi.