Bıyl qardyń qalyńdyǵy byltyrǵydan 11 paıyzǵa tómen, dep habarlaıdy Egemen.kz Ravlodarnews.kz saıtyna silteme jasap.
Bul týraly О́ńirlik kommýnıkasııalar qyzmeti ótkizgen baspasóz konferensııasynda oblystyq TJD basshysy Ernýr О́tegenov aıtty.
- Jyl saıyn kóktem aılarynda qar nemese Ertis ózenindegi muzdyń erýimen oblys aýyldaryn sý basyp qalatyny belgili. Qazirgi kezde 28 aýyldy eldimekendi sý basý qaýipi bar. Biraq kúzgi topyraqtyń ylǵaldanýy bıylǵy jylǵa qaraǵanda 10 paıyzǵa artty. 2019-2020 jyldary Baıanaýyl aýdanynda ashy sý ózeniniń mańynda 3 mlrd teńgege arnasyn tazalaý, burmalaý jumystaryn, dambalardy kóterý jumystar júrgizildi. Sonyń arqasynda sý janyndaǵy eldi mekenderge jaıylý qaýipi tómendedi. Qazir qaýip tónýi yqtımal jerlerde jumystar júrgizilýde, - deıdi Ernýr О́tegenov.
Onyń aıtýynsha, byltyr Aqtoǵaı aýdanynyń Shuǵa aýylynda, Maı aýdanynyń Aqsaraı aýylynda «Jol kartasy» sheńberinde bes qosymsha dóńgelek qubyr salynyp, sýdyń jaıylyp ketýine tosqaýyl qoıylǵan.
- Qazirgi ýaqytta Baıanaýl aýdanynda «2021-2023 jyldarǵa arnalǵan sý tasqynyna qarsy is-sharalardyń jol kartasy» baǵdarlamasy aıasynda kópir salý jumystary bastaldy, - deıdi Ernýr О́tegenov.
Aıta keteıik, 4-5 naýryz kúni óńirde «Kóktem-2021» oqý-jattyǵý ótedi. TJ departamentiniń basshysy qulaqtandyrý júıesin iske qosylatyndyqtan, turǵyndardy úreılenbeýge shaqyrdy.