Atyraý oblysynda bazarlar men saýda úıleriniń kún saıyn jumys isteýine ruqsat berildi. Bul týraly oblystyń bas sanıtar dárigeri Mádenıet Tanaýovtyń jańa qaýlysynda aıtylǵan, dep habarlaıdy Egemen.kz.
«Kúsheıtilgen sanıtarııalyq-dezınfeksııalyq rejımdi, betperde kııý rejımin, qatań túrde áleýmettik qashyqtyqty saqtaı otyryp, toltyrylýyn obekt syıymdylyǵynyń 30%-nan asyrmaı, 1 kelýshige 4 sharshy metrden kem emes, ashyq jáne jabyq azyq-túlik jáne azyq-túlik emes bazarlardyń shtattyq rejımde jumys isteýine ruqsat etilsin» delingen qaýlyda.
Sondaı-aq, jańa qaýlyǵa sáıkes, dál osyndaı talappen saýda úıleri men ortalyqtarynyń (pavılondar, býtıkter), saýda jelileriniń jumys isteýine ruqsat berilip otyr.
Qaýly 9 naýryzda saǵat 00:00-de zańdy kúshine enedi.