Áleýmettik jelilerde jaıaý júrginshi ótkelimen joldy kesip ótpek bolǵan qyzdy avtobýs qaǵyp ketkeni týraly vıdeo tarady. Oqıǵa Almaty qalasynda bolǵan. Qalalyq PD baspasóz qyzmeti oqıǵa búgin tańǵy 8:30-da Jetisý aýdanynda oryn alǵanyn málimdedi, dep habarlaıdy Egemen.kz.
Áleýmettik jelide taralǵan vıdeodan jol shetinde turǵan qyzdyń jaıaý júrginshi jolaǵyna júgirip shyqqanyn kórýge bolady. Tejegishti basyp úlgermegen avtobýs qyzdy qaǵyp ketken.
«Oqıǵa búgin tańǵy 8:30-da Jetisý aýdanynda bolǵan. «Lıaz» avtobýsynyń júrgizýshisi Á.Jangeldın kóshesimen soltústikke baǵytta kele jatyp 18 jastaǵy boıjetkendi qaǵyp ketti. Qyz jaıaý júrginshiler jolymen ótpek bolǵan. Boıjetken oqıǵa ornynan oblystyq aýrýhanaǵa jetkizildi. Atalǵan derekti qazir Jetisý aýdandyq PB tekserip jatyr», delingen habarlamada.