«Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ Basqarma tóraǵasy bolyp Erbol Tóleýov taǵaıyndaldy.
Erbol Ýálıuly Tóleýov Qaraǵandy polıtehnıkalyq ınstıtýtyn (1993), Qaztutynýodaǵy Qaraǵandy ekonomıkalyq ýnıversıtetin (2004), RF Prezıdenti janyndaǵy Reseı memlekettik qyzmet akademııasyn (2008) «ınjener-mehanık», «ekonomıst, qarjy menedjmenti», «Menedjer» mamandyqtary boıynsha bitirgen. 1987-1989 jyldary keńes áskeri qatarynda boryshyn ótedi.
Eńbek jolyn Qaraǵandy oblysynyń «Qyrǵyzstan» keńsharynda jumysshy bolyp bastady. Joǵary oqý ornyn aıaqtaǵannan keıin jekemenshik qurylymdarda jumys istedi. 2007 jyly «QR SIM sharýashylyq basqarmasy» RMQK dırektorynyń orynbasary bolyp taǵaıyndaldy. «QR SIM sharýashylyq basqarmasy» RMQK dırektory, «Astana qalasynyń Energetıka jáne kommýnaldyq sharýashylyq basqarmasy» MM bastyǵynyń orynbasary, «Astana-Energoservıs» AQ Basqarma tóraǵasy, QR Reseı Federasııasyndaǵy Elshiliginde Elshiniń keńesshisi, «Astana qalalyq jaryq» JShS dırektory, «Astana qalasynyń Energetıka basqarmasy» MM basshysynyń orynbasary, «Astana qalasynyń Otyn-energetıkalyq kesheni jáne kommýnaldyq sharýashylyq basqarmasy» MM basshysy boldy.
«Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ Basqarma tóraǵasy bolyp taǵaıyndalǵanǵa deıin Kókshetaý qalasy ákiminiń orynbasary qyzmetin atqardy.