AQPARAT QOLJETIMDIGI ARTATYN BOLADY

Májilis Tóraǵasy Oral Muhamedjanovtyń jetekshiligimen ótken palatanyń sársenbi kúngi plenarlyq otyrysynda depýtattar Tóraǵa orynbasaryn saılady. Oǵan  Ekonomıkalyq reforma jáne óńirlik damý komıtetiniń tóraǵasy  Vladımır Bobrov laıyq dep tabyldy. Burynǵy Tóraǵa orynbasary Sergeı Dıachenkonyń Aqmola oblysyna ákim bolyp ketýinen keıin bul oryn bos turǵan-dy. Otyrys barysynda “Mádenıet týraly” Qazaqstan Respýblıkasy Zańyna ózgerister men tolyq­ty­rý­lar engizý týraly” jáne “Syrtqy barlaý týraly” zań jobalary boı­yn­sha eki palata  arasyndaǵy kelis­peý­shilikterdi eńserý jónindegi ke­lisim komıssııasynyń usynystary qaraldy. Ol boıynsha depýtattar Dınar Nóketaeva men Sát Toq­paq­baev­tyń baıandamalary tyńdaldy. Sondaı-aq, depýtattar nazaryna “Qa­zaqstan Respýblıkasynyń keı­bir zańnamalyq aktilerine Qazaq­stan Respýblıkasynyń “Elek­tron­dy úkimetin” damytý máseleleri boıynsha ózgerister men tolyq­ty­rýlar engizý týraly” zań jobasy birinshi oqylymda usynyldy. Zań jobasyn Baılanys jáne aqparat mınıstri Asqar Jumaǵalıev ta­nystyrdy. Úkimet qaýlysymen “Qazaqstan Respýblıkasynyń “Elektrondy úkimetin” damytýdyń 2008-2010 jyl­darǵa arnalǵan baǵdarlamasy qabyldanǵany belgili.  Zań jobasy qoǵamnyń aqparattyq kajettiligin qamtamasyz etý, elektrondy mem­le­kettik qyzmetterdi tutynýshy­lar­dyń quqyqtaryn iske asyrý úshin jaǵdaı jasaý, olardyń qoljetim­di­li­gi men sapasyn arttyrý, mem­le­ket­tik organdardyń quzyretin bel­gileý, sondaı-aq “Elektrondy úki­mettiń” jumys isteýi jaǵdaıynda olardyń qyzmetin úılestirý bó­li­ginde aqparattandyrý salasyndaǵy qatynastardy retteý maqsatynda ázirlengen. Zań jobasy birinshi oqylymda maquldandy. Kelesi kezekte “Tańbalardy ha­lyq­aralyq tirkeý týraly Madrıd ke­lisimine hattamany ratıfı­ka­sııa­laý týraly” zań jobasy  qaraldy. Ma­drıd kelisimi taýar tańbasyn qor­ǵaýdy alý kezinde onyń ıesine birqatar artyqshylyqtar beredi. Taýar tańbasyn shetelde tirkeýge óti­nimdi berý rásimi aıtarlyqtaı ońaı­latylady. Sonymen qatar, tańba­lar­dy halyqaralyq tirkeý júıe­sin odan ári jetildirý maqsa­tyn­da 1989 jyl­ǵy 27 maýsymda Tańbalardy halyq­aralyq tirkeý týraly Madrıd keli­simine 26 bap­tan turatyn hattama qabyldandy. Atalǵan hattama Mad­rıd kelisimi el­derine taýar tańba­laryn halyq­ara­lyq tirkeýdi qamtamasyz etý maqsatynda ózderine tıimdi shart­tardy tańdaýǵa múmkindik beretin erejelerdi engizý arqyly elderdiń shekteýsiz aıasy júıesine qosylý úshin bar quqyqtyq kedergilerdi joıý mindetin sheshedi. Qazirgi ýaqytta Madrıd júıe­sine 84 memleket qatysýshy bolyp tabylady. Onyń ishinde 28 el Ma­drıd hattamasyna, 6 memleket Madrıd kelisimine jáne álemniń 50 memleketi Madrıd kelisimine de, Madrıd hattamasyna da qosylǵan. Osy júıe kóptegen kásiporyndar, ási­rese, shaǵyn jáne orta kásip­oryn­dar úshin ózderiniń taýar tań­balaryn kóptegen elderde qorǵaý­laryna múmkindik beretin bolady. О́zge jaǵdaıda olar eshqashan ózde­riniń taýar tańbalaryn halyqara­lyq qorǵaýdy qamtamasyz ete almas edi. Jalpy otyrysta “Turǵyn úı qatynastary týraly” Qazaqstan Res­pýblıkasynyń Zańyna óz­gerister men tolyqtyrýlar engizý tý­raly” zań jobasy talqyǵa sa­lyn­dy. Parlamentshiler bastama­shy bolǵan zań jobasynyń mańyzy týraly Májilis depýtattary Vla­dımır Bobrov pen Amanǵos О́te­genov túsinik berdi. Bastamashy­lar­dyń málimdeýinshe, atalǵan zań jo­ba­sy Uly Otan soǵysynyń múge­dek­teri men qatysýshylaryna mem­le­kettik turǵyn úı qorynan turǵyn úı nemese jeke turǵyn úı qorynan jergilikti atqarýshy organ jalda­ma­ly turǵyn úı alý quqyǵyn birin­shi kezekte bergen kezde olardyń tabysynan shekteýlerdi alyp tastaý arqyly atalǵan sanattaǵy adam­dar­ǵa memlekettik qoldaý kórsetýdi kúsheıtý maqsatynda ázirlengen. Bul zań jobasy da maquldandy. Asqar TURAPBAIULY.