Oblys ákimi Mahambet Dosmuhambetovtiń ókimimen bul laýazymdy Aıgúl Ájiǵalıeva atqarady. Ol buǵan deıin oblys ákiminiń orynbasary bolǵan, dep habarlaıdy Egemen.kz.
Aıgúl Ájiǵalıeva 1966 jyly Atyraý oblysynyń Damby selolyq okrýginde dúnıege kelgen. Bilimi joǵary, 1985 jyly Selınograd qalasyndaǵy Qarjy-ekonomıkalyq tehnıkýmyn, 1991 jyly Almaty Halyq sharýashylyǵy ınstıtýtyn qarjyger mamandyǵymen bitirgen.
Eńbek jolyn 1985 jyly Gýrev oblystyq qarjy bóliminiń kadr jumysy jónindegi aǵa ınspektory retinde bastaǵan. 1985-2005 jyldary oblystyq qarjy bóliminde, keıin oblystyq qarjy basqarmasynda túrli laýazymdarda jumys istedi.
2005-2006 jyldary oblystyq ekonomıka jáne bıýdjettik josparlaý departamenti dırektorynyń orynbasary, 2006-2008 jyldary dırektory, 2008-2010 jyldary oblystyq ekonomıka jáne bıýdjettik josparlaý basqarmasynyń bastyǵy boldy. Al 2010 jyldyń maýsymynan osy taǵaıyndaýǵa deıin oblys ákiminiń orynbasary laýazymyn atqardy.
«Qurmet» ordenimen, birneshe mereıtoılyq medalmen marapattalǵan.