Almatyda alaıaqtyqpen aınalysqan jup ustaldy, dep habarlaıdy Egemen.kz Polisia.kz saıtyna silteme jasap.
1991 jyly týǵan K esimdi azamat jáne onyń 28 jastaǵy qurbysy zańsyz áreketke barǵan. Ekeýi de Jambyl oblysynyń týmalary. Kúdiktiler aldaý jáne senimge qııanat jasaý arqyly bótenniń aqshasyn iri kólemde ıemdenip alǵany anyqtaldy.
– Qylmys jasaý úshin ustalǵandar ınternet-resýrstardyń birinde kelesi mazmundaǵy jarnamany ornalastyrǵan: «Nesıe alýǵa kómektesemin». Potensıaldy jábirlenýshi habarlasqan kezde, qaskóıler ony ekinshi deńgeıli bankterdiń birinde shot ashý qajettigine sendirip, “Beeline” abonentiniń uıaly telefonynyń nómirin kórsetip, bul karta kórsetilgen nómirge baılanǵan bolýy kerek dep sendirgen. Sodan keıin olar azamattardy nesıe alý úshin alǵashqy tólemniń qajettiligi týraly sendirdi. Osy aralyqta alaıaqtar alynǵan somany mobıldi bankıng arqyly basqa kartaǵa aýdaryp, qolma-qol aqshaǵa aınaldyrdy, – dedi Almaty qalalyq PD Krımınaldyq polısııa basqarmasynyń bastyǵy Erkin Ińkárov.
Qaskóıler Almaty oblysynyń aýyldarynyń birinde ustaldy. Qazirgi ýaqytta osy juptyń qylmystyq áreketterinen zardap shekken elimizdiń ár aımaqtarynan 12 jábirlenýshi anyqtaldy. Kúdiktiler ýaqytsha ustaý ızolıatoryna qamaldy. Sotqa deıingi tergeý QR QK-niń 190-baby boıynsha júrgizilýde.