Nur-Sultan qalasy ákimdiginiń «Astana jastary» KMM, «Nur-Sultan qalasynyń Jastar saıasaty máseleleri basqarmasy» MM birlesip, erekshe qajettilikteri bar balalarǵa, ata-analarynyń qamqorlyǵynsyz qalǵan jáne áleýmettik osal otbasylardan shyqqan balalarǵa arnalǵan jańadan «Samǵaý» aýla klýbyn ashty, dep habarlaıdy qala ákimdiginiń resmı saıty.
Atalǵan is-shara Qazaqstan Respýblıkasy Táýelsizdiginiń 30 jyldyǵyna, Naýryz meıramy jáne Shymyrlyq pen sheberlik kúnine oraı uıymdastyrylyp otyr. Klýbta toǵyzqumalaq, karate, qazaqsha kúres, dzıýdo jáne shahmat sekildi sport seksııalary bar.
Saltanatty jıynǵa «Baıqońyr» aýdanynyń ákimi Nurbol Nursaǵatov, «Nur-Sultan qalasynyń Jastar saıasaty máseleleri basqarmasy» MM basshysy Qaırat Qambarov jáne elordanyń qoǵam qaıratkeri Táýken Keńesbekuly qatysty.
Jańadan ashylǵan aýla klýby Jolymbet, 43/ Alash tasjoly, 15/2 meken-jaıynda ornalasqan.