Shyǵys Qazaqstan oblysynda demalys bazasyna baryp, qaıtarda kólikteri qarǵa batqan 4 adam evakýasııalandy, dep habarlaıdy Egemen.kz
ShQO Tótenshe jaǵdaılar departamenti baspasóz qyzmetiniń málimetine súıensek, 18 naýryzda jolda qalǵan 4 adam qutqarýshylardan kómek surady. Eki balasy bar áıel jáne onyń týysy demalys bazasyna baryp, qaıtar jolda kólikteri qarǵa batyp qalǵan.
«Qutqarýshylar kóp uzamaı aýdandyq mańyzy bar «Altaı-Chıstye Klıýchı» jol ýchaskesine kelip jetip, jol talǵamaıtyn kólikpen 4 adamdy Altaıka aýylyna deıin jetkizdi. Olardyń densaýlyǵyna eshqandaı zaqym kelmegen», dep habarlady vedomstvo ókilderi.
Osy rette, departament mamandary óńir turǵyndaryna qolaısyz aýa-raıy kezinde eldi mekennen alys saparǵa shyǵýǵa bolmaıtyndyǵyn eskertedi. Joldardyń jaı-kúıin «Dármen» mobıldi qosymshasy arqyly bilip otyrǵan jón. Eger qandaı da bir qıyndyqqa tap bolsańyz «112» nómirine habarlasa alasyz.