Halyqaralyq Túrki akademııasynda Naýryz meıramyna oraı uıymdastyrylǵan sharaǵa Halyqaralyq Túrki akademııasynyń prezıdenti Darhan Qydyráli, Ázerbaıjan Respýblıkasynyń Qazaqstandaǵy tótenshe jáne ókiletti Elshisi Rashad Mammadov, Túrkııa Respýblıkasynyń Qazaqstandaǵy tótenshe jáne ókiletti Elshisi Ýfýk Ekıdjı, Túrikmenstannyń Qazaqstan Respýblıkasyndaǵy tótenshe jáne ókiletti Elshisi Berdymýrad Redjepov, О́zbekstan Respýblıkasynyń Qazaqstandaǵy Tótenshe jáne ókiletti Elshisi Saıdıkram Nııazhodjaev, Majarstannyń Qazaqstan Respýblıkasyndaǵy Tótenshe jáne О́kiletti Elshisi Mıhaı Matıash Galoshfaı, Mońǵolııanyń Qazaqstandaǵy Tótenshe jáne ókiletti Elshisi Lývsangıın Battýlga jáne Qyrǵyz Respýblıkasynyń Qazaqstandaǵy Elshiliginiń keńesshisi Rýslan Matkerımov qatysty.
Saltanatty is-shara barysynda Elshiler Ergeneqonnan bastalatyn baıyrǵy túrkilerden kele jatqan tós soǵý dástúrimen qoldaryna bolat balǵa alyp, shoıyn tósti soǵyp, Ulystyń Uly kúnin qarsy alý rásimin atqardy.
Akademııa basshysy Darhan Qydyráli uıymnyń atqaryp jatqan jumystar týraly baıandap, bıylǵy josparlardyń júzege asý barysymen tanystyrdy.
Keleli kezdesýde qonaqtar Naýryzǵa meıramyna izgi tilekterin aıtyp, baýyrlas elder arasyndaǵy yntymaqtastyqty nyǵaıtý máseleleri jóninde erkin formatta pikir almasty.
Saltanatty qabyldaýda quttyqtaý sóz sóılegen Ázerbaıjan Elshisi Rashad Mammadov Qarabaqtaǵy Otan soǵysy kezinde Túrki akademııasy tarapynan kórsetilgen zor qoldaýǵa rızashylyǵyn bildirdi.
Mońǵolııa Elshisi Lývsangııın Battýlga myrza bıylǵy jyldyń aıaǵyna deıin Túrki akademııasyna baqylaýshy memleket mártebesin alýǵa nıetti ekenin, sondaı-aq bul baǵytta jumystar júrip jatqanyn jetkizdi.
О́z kezeginde Majarstan Elshisi Mıhaı Galoshfaı Akademııanyń ǵylymı jobalarǵa belsendi atsalyp kele jatqanyn atap ótti.
Kezdesý sońynda mártebeli meımandarǵa tartý jasalyp, Akademııa shyǵarǵan baǵaly eńbekter syıǵa berildi.