Sıngapýrlyqtardyń 90 paıyzynyń óz úıi bar

1960-jyldardyń aıaǵy men 1970-jyldar aralyǵynda elde jumyssyzdyq pen tur­ǵyn úı daǵ­darysy beleń alǵan. Dál osy kezde Sıngapýr memleketti túbegeıli jań­ǵyr­tý baǵdarlamasyna bel­sen­di kirisken-di. Eldegi óner­kásip salasyn aıaqqa tur­­ǵyzyp, iri memlekettik tur­­ǵyn úı keshenderi damı bastady. Odan bólek, bilim berý men ınfraqurylymdy damytýǵa qyrýar ınvestısııa tartylǵan. Nátıjesinde, 90-jyldarǵa qaraı Sıngapýr na­ryqtyq ekonomıkasy da­my­ǵan, halyqaralyq saýda baı­lanysy ornyqqan tabys­ty elderdiń birine aınaldy. Qazir ol Azııadaǵy jan ba­syna shaqqandaǵy eń jo­ǵa­ry ishki jalpy ónimge ıe elderdiń biri jáne BUU-nyń adam áleýetiniń damý ındeksi (HDI) boıynsha 11-orynǵa jaıǵasqan. Sıngapýr – trans­ult­tyq korporasııalar úshin de qolaıly elderdiń birine aınaldy. Buǵan eldegi sybaılas jemqorlyqpen kúrestiń jaqsy nátıjeleri sebep bol­ǵan.

Kóptegen mamandy eldegi erkin naryq pen sosıalıstik prınsıpterdiń úılesim tap­qa­ny tańǵaldyrady. Eńbek naryǵynda ımmıgranttar­dy qushaq jaıa qarsy alǵan. Sol shetten kelgen ju­mys­shy­lardyń eńbegi eleýli eke­ni aıtylǵan. Eldegi salyq deńgeıi de tómen. Nátıjesinde, halyqtyń jalaqysy joǵary, al úkimet janama salyqtardan jet­kilikti tabys tabady. Sın­gapýr ekonomıkasynyń bir bóligi sosıalıstik prınsıpterge negizdelip, ol boıynsha memlekettik turǵyn úı jobalary óte tabysty júzege asqan. Halyqtyń 90 paıy­zynyń óz baspanasy bar. Bul úıler úkimettiń ar­naıy baǵdarlamasymen be­rilgen. Kóp sarapshylardy saýdaǵa kapıtalıstik kózqaras qalyptastyrǵan elde turǵyn úıge kelgende múldem basqa sosıalıstik pikirdiń beleń alýy tańǵal­dyrady. Sıngapýrdyń tur­ǵyn úı salasyn álemde eń tabysty sheshilgen júıe deý­ge barlyq negiz bar. El­degi densaýlyq saqtaý júıe­si de baspana máselesi sekil­di memleketten qyrýar qar­jy alady. Turǵyndar men jumys berýshiler arnaıy medısınalyq saqtan­dyrý júıesine taby­sy­nyń bir bóligin aýdaryp turady. Al salanyń bar­lyq shyǵynyn úkimet toly­ǵymen óz qaltasynan jaba­dy. Osylaısha, AQSh pen Reseıdiń ustanǵan baǵytynyń qosyn­dysy Sıngapýrda úılesim ta­ýyp, eldi órkenıet bıigine kó­terdi.