Ońtústik Koreıanyń Shtabtar bastyqtarynyń komıteti (JCS) soltústiktegi kórshisiniń eki snarıad-ushaq ushyrǵanyn habarlady. Qysqa qashyqtyqta ushatyn zymyrandar teńizge qaraı baǵyttalǵan.
«Jeksenbi kúni Onchon eldi mekenindegi soltústik-batys portynan eki snarıad-ushaq ushqanyn anyqtadyq», dedi komıtet qyzmetkeri BAQ-qa bergen suhbatynda. Degenmen ol zymyrandardyń túrin, ushý jyldamdyǵy sekildi málimetterdi ashyp aıtýdan bas tartqan. Ol tek Ońtústik Koreıa men AQSh bıliginiń jaǵdaıdy baqylap, qadaǵalap otyrǵanyn jetkizdi.
Ballıstıkalyq zymyrandardan aıyrmashylyǵy – snarıad-ushaq BUU Qaýipsizdik Keńesiniń Soltústik Koreıa boıynsha qabyldaǵan qararyna qarsy kelmeıdi. Qujat boıynsha esh tyıym salynbaǵan. Phenıan 2017 jyldyń aıaǵynan bastap ıadrolyq synaqtar men alys qashyqtyqtaǵy zymyrandardy synaýǵa erikti moratorııdi saqtap keledi.
AQSh bul oqıǵaǵa asa mán bermedi. Baıden ákimshiligi bul synaqtar BUU kelisimin buzbaǵanyn alǵa tartyp, alańdaıtyn másele emes ekenin jetkizdi.